2 Samuɛl 16:1 - EBƆRƐ BE KAWƆL

¹ Deevid ka dii kebee na be kaba ko so n yɔ esoso nsaa gbelge to kumo be kaba nyɔsopo na a ba k maŋ chɛr ko nɛ e purgi Mifiboshɛf be kayɛrbi Ziba nɛ e kre ebodobodo alfa anyɔ nɛ greep be asɔrso wɔlso nɛ baa tre reezins na malɛ be asha kalfa nɛ figidibi be asɔrso kalfa nɛ asɔ nuuso be kasapuya bɔlɔ n deŋi mbe ekurma anyɔ so.

2 Samuɛl 16:1 ပူးပေါင်းရင်းမြစ်များ

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 15:32

Deevid ka dii n yɔ kebee na be esoso be kakpa nɛ baa bunyaŋ Ebɔrɛ na, nɛ e ya tu Hushai nɛ e la Aki be esa na ndoŋ nɛ e buu epiŋi kpɛatoso nseŋ ta shishɛr n wurge mbe kumu so.

2 Samuɛl 19:17

Shemei daŋ keta basa kagboŋ nɛ b shi Bɛnjamin be yiri to nna, nɛ Ziba nɛ e daa la Sɔɔl be kanaŋ to be kayɛrbi na nɛ mbe mbinyɛnbi kuduanu nɛ mbe nyɛrbi adunyɔ e daŋ ba Jɔɔdan be lɔr na to nɛ b ba shɛr ewura Deevid to.

2 Samuɛl 19:32

Bazilai daa la enyɛnnimu nna nseŋ ji fanɛ nfɛ aduburwa. E daa la damawura nna, nseŋ daa sa ewura na ajibi saŋɛ nɛ e daa wɔ Mahanaim na.

1 Kronikɛls 12:40

Isaaka nɛ Zɛbyulɔn nɛ Naftali be eyiri nɛ b wɔ kufɔ na daŋ sulɔ ajibi nɛ nyifu nɛ asɔrso nɛ baa tre greep na be awɔlso nɛ asɔnuuso nɛ ɔlif be ŋku, ekurma nɛ enyɔma nɛ egbolufɛlso so nna. B daŋ bar ana nɛ mbolpɔ gba ndoŋ m ba mɔ n ji. Ade kikɛ daa ŋini kagbenefuli nɛ b nya efuli na so nna.

Aŋasa 18:16

Kakɛ bee bugi ekpa nna a sa esa, nɛ e bee tiŋ a yɔ basagboŋ kutɔ.

Jɛremaya 40:10

Ŋ gbagba beeŋ chena Mizpa nfe, saŋɛ na so Babilɔnebi na ya ba nfe meeŋ yili menyi be katelamu ashi bumo be anishito. Menyeeŋ tiŋ m bɛta n yɔ menyi be ndeana to n ya kaa chala eyabra nɛ asɔrsoana nɛ ɔlif be ŋkuana a yili.”

Jɛremaya 40:12

nɛ b lar mboŋ nɛ b daŋ pesaŋ to n yɔ na m bɛta m ba Juda be efuli so. B daŋ ba Gɛdaliya kutɔ ashi Mizpa nna m ba chɛ to nɛ b chala eyabra nɛ asɔrso damta nɛ a chɔ nfɛ nɛ e choŋ na peya.

Eemɔs 8:1

Ndoŋ nna nɛ Enyɛnpetale na naŋ shin nɛ ŋ ku bɔrɛdare n wu asɔrso belso kelantaŋɛ be bɔlɔ,

Maika 7:1

Asheŋ malɛ tu ma bre! N du fanɛ esa nɛ akoŋ kɔ nɛ mo alɛ maŋ nya kusɔrso kama kedibisɔrso ŋko kefeelebi so nɛ e chuge n ji nna. B chuge afeelebi be asɔrso nɛ baa tre greeps na nɛ figidibi be asɔrso na kikɛ nyam.

1 Samuɛl 10:3

Fo baŋ naŋ yili ndoŋ a yɔ, feeŋ ya tu kedibi gboŋgboŋi ko ashi Tabɔɔ, nseŋ wu benyɛn asa ko ka bee yɔ Bɛtɛl nɛ b ya bunyaŋ Ebɔrɛ. Bumo to be eko beeŋ juŋkpar mboefɔlbi asa, nɛ enyɔsopo na malɛ e sulɔ ebodobodo asa, nɛ esasopo na e sulɔ nsa belbelso deŋkeŋ be bɔlɔ.

1 Samuɛl 16:20

Nɛ Jɛsi kre bodobodo n deŋi kurma so n ta kaboe fɔlbi nɛ nsa belbelso deŋkeŋ be bɔlɔ n ti so n shuŋi Deevid fanɛ e ya sa Sɔɔl.

1 Samuɛl 25:18

Nɛ Abigɛl wora manaŋ n ta ebodobodo alfanyɔ nɛ nsaturbi be bɔlɔ anyɔ nɛ mbolpɔ nɛ b mɔ ŋ ŋese anu nɛ aboyu keeso be kilo kudu ashunu nɛ asɔrso jiso be asha kalfa nɛ figi be asɔrso wɔlso be ekrakashi alfa anyɔ ŋ kre amo n deŋi ekurma so.