2 Samuɛl 15:8 - EBƆRƐ BE KAWƆL

⁸ Ŋkpal manɛ so saŋɛ so nɛ n daa wɔ Geshur ashi Siriya be efuli so na nɛ n nase kɔnɔ Enyɛnpe Ebɔrɛ be anishito fanɛ nɛ e baŋ shin nɛ n naŋ bɛta n yɔ Jerusalɛm, kumo ere ma alɛ beeŋ ya bunyaŋ mo ashi Hibrɔn.”

2 Samuɛl 15:8 ပူးပေါင်းရင်းမြစ်များ

2 Samuɛl 14:23

Kede be kaman nɛ Jɔab yɔ Geshur n ya keta Absalɔm m ba Jerusalɛm.

2 Samuɛl 14:32

Nɛ Absalɔm kaŋɛ le: “N daa sha keshuŋi fo nna nɛ fo ya mata ewura n sa ma, ama ŋ ka shuŋi n tre fo, nɛ fo kini. Manɛ bre e lara ma Geshur m ba nfe? N daa wɔ ndoŋ gba nna k daa beeŋ baa bɔ ma so. Amoso wora ania n shin nɛ n wu ewura, nɛ k ba fanɛ ma e wora n jija, kumo ere fo shin nɛ ewura a mɔ ma.”

2 Samuɛl 15:9

Nɛ ewura na kaŋɛ mo le: “Ebɔrɛ e yɛr fo nɛ alenfia.” Ndoŋ nna nɛ Absalɔm yɔ Hibrɔn,

2 Samuɛl 3:3

Mo pibinyɛn nyɔsopo e daa la Chiliab nɛ mo nio daa la ekulgepoche Abigɛl nɛ e daa la Nabaal nɛ e shi Kaamɛl be kebeegboŋ na ase na be eche na. Absalɔm nɛ mo nio la Maaka, ewura Talmai nɛ e shi Geshur na pibiche na e la mo pibinyɛn sasopo.

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Kaŋinichiŋgeliŋ 5:4

Amoso nɛ fo baŋ nase kɔnɔ Ebɔrɛ be anishito, a daga fanɛ fo tia kumo manaŋ. Ŋkpal manɛ so, Ebɔrɛ be shɛŋ maa ji bewulpo to. Amoso baa wora a bɔlɔ fo nnɔ naseso so.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”

1 Samuɛl 16:2

Nɛ Samuɛl kaŋɛ le: “M baŋ wora loŋ nɛ Sɔɔl nu, e beeŋ mɔ ma!” Nɛ Enyɛnpe Ebɔrɛ kaŋɛ mo: “Ta kenabi a yɔ n ya kaŋɛ fanɛ fo ba nna nɛ fo ba lara sarga n sa Enyɛnpe Ebɔrɛ.