2 Samuɛl 15:31 - EBƆRƐ BE KAWƆL

³¹ B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 15:31 ပူးပေါင်းရင်းမြစ်များ

2 Samuɛl 15:12

Absalɔm ka bee lara sarga na, nɛ e shuŋi fanɛ b ya tre Ahitofɛl nɛ e bee ji ewura Deevid asoeto na ashi mbe kade to Gilo m ba. Bumo be ŋkre nɛ b daŋ kre nɛ b ju ewura Deevid na daa maŋ du kpakpa n sa bumo, ŋkpal manɛ so basa nɛ baa bɛ Absalɔm so na baa wora kishi nna a ti so.

2 Samuɛl 16:23

Ŋkpal Deevid nɛ Absalɔm kikɛ ka daa fɛ fanɛ kusɔ kama nɛ Ahitofɛl daŋ baŋ kaŋɛ shi Ebɔrɛ kutɔ na so, kasotoji kama nɛ e daŋ baŋ sa bumo baa nu nna a sa mo.

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Samuɛl 17:5

Ndoŋ nna nɛ Absalɔm yɛ: “Men tre Hushai naniere nɛ e ba kaŋɛ anyi kusɔ nɛ mo alɛ kɔ.”

2 Samuɛl 17:7

Nɛ Hushai kaŋɛ le: “Ahitofɛl be kasotoji nɛ e sa fo naniere bre maŋ walɛ.

Job be kawɔl 5:12

Mo e naa melgi basa nɛ b nyi asheŋ ga be ŋkre a buu, nsaa bɔla benyiashempo be kanyiasheŋ so a pɛ bumo; saŋɛ na so kusɔ kama nɛ baa wora maa nyalɛ a sa bumo.

Nshɛ 109:3

nsaa malga asheŋ lubi a laŋɛ ma kaplɛa so; nɛ m maŋ wora bumo shɛŋ.

Nshɛ 3:1

N nyɛnpe Ebɔrɛ, ŋ kɔ bedoŋ damta ga. Basa damta e naa kɔ ma.

Nshɛ 41:9

Nteri kpakpasoana nɛ n yirda ga, nɛ b daa tu ma a ji gba pal kaman nna n sa ma.

Nshɛ 55:10

B du nna fanɛ bekumpo ka kulti kumo be egbal n wɔtɔ kapa nɛ kanyɛ na. Asheŋ lubi nɛ tɔrɔ e bɔlɔ kadegboŋ na to.

Nshɛ 55:12

Nɛ bedoŋ e daa tege ma nsaa wora ma eyurto, n daa beeŋ tiŋ n nyiti ŋko n shile ŋ ŋana bumo so.

Aizaaya 19:3

Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Baru lela nɛ Jɔn kute na 13:18

E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’

1 Kɔrintebi 1:20

To, nɛ kenya la loŋ, nnɛ nɛ benyiashempo ŋko nwɔlnyipoana ŋko durnya ere to be kanyiashenfinpowuraana naa yil? Ebɔrɛ maŋ ŋini fanɛ durnya ere to be kanyiasheŋ la kawulisheŋ nna a?

Jeems 3:15

Mannɛ ebɔrɛso nɛ loŋ be kanyiasheŋ shi, durnya ere to nɛ k shi a la basa be nfɛra lubiana be asheŋ nɛ a shi ayoyu lubi kutɔ.