2 Samuɛl 15:30 - EBƆRƐ BE KAWƆL

³⁰ Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 15:30 ပူးပေါင်းရင်းမြစ်များ

2 Samuɛl 15:29

Ndoŋ nna nɛ Zadɔk nɛ Abiata nɛ bumo be mbinyɛnsobi na ta ŋkre be deka na m bɛta n yɔ Jerusalɛm n ya ka wɔ ndoŋ.

2 Samuɛl 19:4

Ewura Deevid daŋ buu mbe anishi so nna a shu awɔrso a kaŋɛ le: “O m pibinyɛn! Absalɔm! Absalɔm, m pibinyɛn!”

2 Samuɛl 19:5

Nɛ Jɔab yɔ ewura na be laŋ to n ya kaŋɛ mo le: “Kabre fo ta anishinyɔr m pɛ fo benapo nɛ b mɔlga fo nɛ fo mbinyɛnbi nɛ mbichebi nɛ fo beche nɛ fo jipoana be ŋkpa na ga.

Ɛsta 6:12

B ka kilgi to n loge, nɛ Mɔdikaya bɛta n ya chena ewurkpa be kabunagboŋ na ase, nɛ Heman malɛ ta anishinyɔr gboŋgboŋi n jɔto n yɔ epe,

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Ezikɛl 24:23

Menyi alɛ maaŋ shɛŋi menyi be eneemu ashi menyi be amu so ŋko n lara asɛbta menyi be aya to nsaa nite aya fuloŋ. Ade kikɛ be kaman, menyi maaŋ wora kuwɔrsheŋ ŋko n shu nɛ anishichubi e lar, ama menyi be asheŋ lubi so menyeeŋ foe eyur to nsaa nite a kulti a shu epun to.

Zakareya 14:4

Loŋ be jemanɛ na e beeŋ yili ɔlif be kebee nɛ k wɔ Jerusalɛm be epeŋilarkpa be kaba so na so nɛ k baŋɛ to anyɔ n tɔr ketaŋɛgboŋ nɛ k yili epeŋilarkpa m ba choŋ epeŋitɔrkpa na. Kumo be kaba koŋwule beeŋ tɔr a laŋɛ kelargato be esoso be kaba so nɛ kaba ko malɛ e tɔr a laŋɛ kelargato be kaseto be kaba so.

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Luuk 19:29

A ka ba ka gbrɛbi nɛ e fo Bɛtfagi nɛ Bɛtani be nde to nɛ a wɔ kebee nɛ baa tre Ɔlifs be kebee na ase, nɛ e ta le be kubɔya ere n shuŋi bebɛsopo na be benyɔ ŋ kaŋɛ bumo:

Luuk 19:37

E ka ba taga to Ɔlifs be kebee so be kegbelge na nɛ mbe bebɛsopo kikɛ fara a di Ebɔrɛ epaŋ awɔrso nɛ kagbenefuliso, ŋkpal emamachisheŋ damta nɛ b daŋ wu na kikɛ so.

Luuk 19:41

Yesu ka ba kaa taga to Jerusalɛm be kade na to nseŋ keni kumo,

Luuk 21:37

Karechɛ kama e daa wɔ bɔrɛlambu na to nna a ŋini basa abɔrɛsheŋ nɛ kanyɛso nɛ e yɔ kebee nɛ baa tre Ɔlifs be kebee na so n ya kaa wɔtɔ.

Luuk 22:39

Nɛ e lar kade na to n yɔ Ɔlifs be kebee so fanɛ kananɛ e chɛr a wora na nɛ mbe bebɛsopo na bɛ mo so n yɔ.

Ashuŋ Shunso 1:12

Ndoŋ nna nɛ beshuŋipoana na lar Ɔlifs be kebee so m bɛta n yɔ Jerusalɛm to. K daa la fanɛ mayɛl be bargato nna.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.