2 Samuɛl 15:2 - EBƆRƐ BE KAWƆL

² Kachipurdidi kikɛ kade na be ekarso, kakpa nɛ benimu bee shɛr a to jina na be kubɔrbi so nɛ e daa lar n ya ka yili. Esa kama nɛ e baŋ nya kamalga nsaa yɔ ewura pe nɛ e ya lɔŋɛ kumo, Absalɔm bee tre mo nna m bishi mo kakpa nɛ e shi. Esa na baŋ kaŋɛ mo kakpa nɛ e shi nɛ yiri nɛ k la mo n loge,

2 Samuɛl 15:2 ပူးပေါင်းရင်းမြစ်များ

Jɛnesis 34:20

Loŋ so Hamar nɛ mo pibinyɛn Shɛkɛm daŋ yɔ bumo be kade na to be kakpa nɛ benimu bee shɛr a to jina na nna n ya bɔ kubɔya na n sa bumo braana kikɛ.

2 Samuɛl 19:8

Ndoŋ nna nɛ ewura na koso n ya chena kade na be kabuna to. Mbe basa na ka nu fanɛ e wɔ ndoŋ nɛ bumo kikɛ yɔ mo kutɔ. Ama le be jemanɛ ere nɛ Absalɔm be bebɛsopo na bre shile n yɔ bumo peana.

2 Kronikɛls 10:7

Nɛ bumo alɛ kaŋɛ le: “Fo baa wora basa ere kelela nsaa wora kusɔ nɛ baa sha a sa bumo, kumo ere bumo alɛ beeŋ baa shuŋ fo saŋkikɛ.”

Job be kawɔl 24:14

Kakpa baŋ biri to, bemɔpo na bee koso nna n ya kaa mɔ betirpo nɛ betentaŋasepo. Kanyɛso saŋko malɛ nɛ b ya kaa yuri.

Ɛksodɔs 18:14

Jetro ka wu kusɔ nɛ Mosis bee wora na nɛ kananɛ basa na shi mo so na nɛ e bishi mo le: “Manɛ nɛ fo wɔtɔ a wora basa na loŋ? Manɛ nna nɛ fo nawule baŋ chena a ji basa na demu nɛ b yil a yil ŋ kulti fo kachipurso kikɛ m ba fo kaaseso ere?”

Ɛksodɔs 18:16

Nɛ fanɛ bumo be benyɔ malɛ baŋ wora n da abar so baa ba ma kutɔ nna nɛ n yili Ebɔrɛ be mmalga naseso nɛ mbe mbraana so n ji bumo demu m pin emo nɛ e kɔ kashenteŋ.”

Ɛksodɔs 18:26

Ndoŋ nna nɛ loŋ be basa na fara a ji Israɛlebi na be edemu saŋkikɛ. Ama demu kama nɛ k daa la demugboŋ bre, b daa ta kumo nna a yɔ Mosis kutɔ, amo nɛ a daa maŋ la demugboŋ na bre, bumo gbagba e daa ji amo.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Danɛl 11:21

Le nɛ malaika na kraŋ naŋ kaŋɛ: “Ewura nɛ e beeŋ naŋ ba ji Siriya be efuli so be kuwura na beeŋ baa la esa lubi ga. Mo alɛ maaŋ shi kuwurji be kanaŋ to. Kebirkɔnshi be ekpa so nɛ e beeŋ bɔla so n ta kena m ba purgi basa ŋ kɔ n sɔ eleŋ.

Matiu 27:1

Kare ka chɛ chipurdidi nɛ bɔrɛmatapowuraana na kikɛ nɛ basa na be benimuana na ya kre Yesu be kemɔ be nia.

Ditɛronɔmi 17:8

K beeŋ tiŋ m ba fanɛ asheŋ nɛ a beeŋ ba demujipoana nɛ b wɔ menyi to na kutɔ, beeŋ baa du kpakpa n sa bumo nɛ b tiŋ n ji amo. K beeŋ tiŋ a la fanɛ kusɔ be kejija ŋko esa be kenu ebesa ŋko esa be kemɔ be asheŋ nɛ a daga fanɛ b ji. Nɛ k kaŋ ba loŋ, men yɛr demu na kakpa nɛ Enyɛnpe menyi be Ebɔrɛ na lara n yili fanɛ b baa shuŋ mo na,

Ruf be kawɔl 4:1

Bowas nɛ Ruf ka barga abar kamɔnchɛ na be kaman nɛ Bowas ya chena agaŋgeeya ŋko kejaŋ nɛ k wɔ egbal nɛ b pɔr ŋ kulti kade na be kakpa nɛ baa kaa shɛr a ji deamu na so. Ndoŋ nɛ e wɔ loŋ nɛ Elimelɛk mo kurgepo mo nɛ Bowas daŋ kaŋɛ fanɛ mo e daga nɛ e ta Ruf ŋ keni so na ba kaa choŋ nɛ e tre mo ŋ kaŋɛ: “N teri, ba nɛ a ber kelejima.” Nɛ kanyɛn na ya chena mo kutɔ.