2 Samuɛl 15:1 - EBƆRƐ BE KAWƆL

¹ Ade kikɛ be kaman nɛ Absalɔm ya fin egbaŋɛturko nɛ amo be egbaŋɛ nɛ baŋ baa gberge amo n sa mbe kumo, nɛ basa adunu nɛ bumo alɛ beeŋ baa juŋkpar a kuŋ mo.

2 Samuɛl 15:1 ပူးပေါင်းရင်းမြစ်များ

2 Samuɛl 12:11

Ma Enyɛnpe Ebɔrɛ e naa kaŋɛ fo na fanɛ meeŋ shin nɛ esa ko nɛ e shi fo kanaŋ to e kil asheŋ m ba sa fo. Ma alɛ beeŋ sɔ fo beche fo kutɔ n ta bumo n sa fo kanaŋ to be esa ko nɛ mo bumo e di keche nɛ kenyɛn kowushina kapiidi basa be anishito.

1 Bewura 1:33

nɛ e kaŋɛ bumo le: “Men keta ma benimuana ere be beko n ya shin nɛ m pibi Sɔlɔmɔn e dii ŋ gbagba be kurma n chena so nɛ men bɛ mo so ŋ keta mo n yɔ kebuye nɛ baa tre Gihɔn na ase,

1 Bewura 1:5

Absalɔm ka wu na nɛ ewura Deevid be eche Hagif pibinyɛn Adonija ki ewura Deevid pibinyɛn nimuso. Mo e daa bɛ Absalɔm so nseŋ daa walɛ kayɛrbi ga. Kachako nɛ e yili kumo fanɛ e beeŋ ta mbe kumu ŋ ki ewura. Ndoŋ nna nɛ mo gbagba fin egbaŋɛturko nɛ egbaŋɛ nseŋ ta benapo adunu fanɛ b baa kuŋ mo. Mo tuto, ewura Deevid, malɛ daŋ maŋ bishi mo kusɔ nɛ k ba nɛ e bee wora loŋ, ŋkpal manɛ so, e maŋ naŋ fiɛ mo so kikɛ.

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Aŋasa 11:2

Kamoowuwuraana maa chɛr nsaa ji anishinyɔr. Kamubrase bre bee sa esa kanyiasheŋ nna.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 17:19

Elushapo kikɛ maa barga alubi be kewora. Fo baa puchi ga fee fin asheŋ nna a sa fo kumu.

Ditɛronɔmi 17:16

Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.

1 Samuɛl 8:11

E yɛ: “Le nɛ menyi be ewura na beeŋ wora menyi. E beeŋ tintiŋ men be mbinyɛnsobi nɛ b ki mbe benapo nseŋ shin nɛ bumo be beko e baa far mbe egbaŋɛturko nɛ beko malɛ e baa di egbaŋɛ a kɔ kena, nɛ beko e baa shile a juŋkpar mbe egbaŋɛturko.