2 Samuɛl 14:6 - EBƆRƐ BE KAWƆL

⁶ Ma alɛ kɔ mbia anyɔ nɛ kachako nɛ kolu tɔr bumo so ashi kupuŋ to. Esa kama malɛ daa maŋ wɔtɔ nɛ e barga bumo to nɛ bumo eko mɔ mo barkasa.

2 Samuɛl 14:6 ပူးပေါင်းရင်းမြစ်များ

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

2 Samuɛl 13:29

Ndoŋ nna nɛ nyɛrbi na bɛ kusɔ nɛ Absalɔm kaŋɛ bumo na so nseŋ mɔ Amnɔn. Nɛ ewura na be mbinyɛnbi nɛ Absalɔm tre na kikɛ ta bumo be ekurma nɛ enyɔma n shile n choŋ ŋ ka mo ndoŋ.

2 Samuɛl 14:5

Nɛ ewura na malɛ bishi mo le: “Manɛ nɛ fee sha?” Nɛ kache na kaŋɛ le: “Ŋ kul wu ŋ ka ma nna.

2 Samuɛl 14:7

Naniere ma kanaŋ to ebi kikɛ yuu ma kenishi nna nseŋ kaŋɛ fanɛ m bar ma kebia na nɛ b mɔ mo alɛ gba ŋkpal e ka mɔ mo sipo so. Nɛ b baaŋ wora loŋ, kumo ere ma ere maaŋ naa kɔ ebinyɛn kikɛ nna na. B baaŋ mɔ mo, kumo ere ma tama loge, ma kul malɛ be ketre beeŋ mur kuraa.”

Ɛksodɔs 2:13

Kumo be ŋklade Mosis ka naŋ lar nɛ e ya tu Hibruw be basa anyɔ ko nɛ baa bile. Ndoŋ nna nɛ e bishi emo nɛ e daŋ fara kolu na le: “Manɛ e ba nɛ fee ŋmɛa fo barkasa Hibruw be esa loŋ?”