2 Samuɛl 14:24 - EBƆRƐ BE KAWƆL

²⁴ Nɛ ewura na kaŋɛ fanɛ Absalɔm e sa maŋ kaŋ luri mbe laŋ to. E yɛ: “Maa sha kewu mo kenishiso.” Amoso Absalɔm daa wɔ mo gbagba be laŋ to nna, e maŋ ba ewura na kutɔ kikɛ.

2 Samuɛl 14:24 ပူးပေါင်းရင်းမြစ်များ

Jɛnesis 43:3

Nɛ Juda kaŋɛ mo: “Kanyɛn na fiɛ anyi so kenishipereso nna ŋ kaŋɛ: ‘Men naŋ ba nfe ŋkaa maŋ bar men sipo na, men sa maŋ naŋ shin nɛ nwu menyi.’

2 Samuɛl 13:20

Mo da Absalɔm ka wu mo nɛ e bishi mo le: “Amnɔn pur fo nna a? Jande esipoche, sa maŋ shin nɛ kesheŋ ere e tɔrɔ fo, fo alɛ e sa maŋ kaŋɛ esa kama kumo, ŋkpal manɛ so, fo da nna.” Ndoŋ nna nɛ Tamaa ta kagbenejija nɛ kenawule a wɔ mo da Absalɔm be laŋ to.

2 Samuɛl 14:28

Absalɔm malɛ daŋ chena Jerusalɛm to nfɛnyɔ kikɛ nɛ mo nɛ ewura na be kenishi maŋ wu abar.

2 Samuɛl 3:13

Nɛ Deevid yɛ: “Kenyalɛ! Kusɔ koŋwule nɛ meeŋ yili so nɛ ma nɛ fo e wora kɔnɔkoŋwule be ŋkre n sa abar e la fanɛ, fo baa ba nɛ fo ba wu ma, fo keta Sɔɔl pibiche Mikaal m ba sa ma.”

Ɛksodɔs 10:28

Ndoŋ nna nɛ ewura Fɛɛro kaŋɛ Mosis le: “Foe ma anishito nfe naniere. Fo alɛ e sa maŋ kaŋ naŋ shin nɛ n wu fo kenishiso kikɛ. Kachɛ kama so nɛ n naŋ wu fo ma anishito, feeŋ wu.”

Kelaraŋŋini 22:4

Baaŋ wu mbe anishiakpa nɛ mbe ketre malɛ e baa deŋ bumo be nsɔtoana so.