2 Samuɛl 14:2 - EBƆRƐ BE KAWƆL

² Amoso e daŋ shuŋi n tre kache nyiashempo ko nna ashi kade nɛ ba tre Tekua na nna. E ka ba nɛ e kaŋɛ mo le: “Wora fanɛ fo ka nya keeli na, nseŋ buu keeli to be ewajɛ, nsaa maŋ kaŋ m mɔ fo emin to. Wora fanɛ fo ka shu keeli na n chɛr ga na.”

2 Samuɛl 14:2 ပူးပေါင်းရင်းမြစ်များ

Jɛnesis 38:19

Kumo be kaman nɛ kache na bɛta n yɔ epe n ya deŋi shata na n nase nseŋ naŋ ta mbe ekulpoche be asɔbuuso na m mɛa to.

2 Samuɛl 11:26

Bɛshiba ka nu fanɛ mo kul wu, nɛ e shu mbe keeli ga.

2 Samuɛl 12:20

Ndoŋ nna nɛ Deevid koso kasawule n ya bɛr m mɔ mbe emin to, n chɛrga mbe epiŋi nɛ e buu na nseŋ yɔ Enyɛnpe Ebɔrɛ be lambu to n ya bunyaŋ mo. E ka bɛta m ba ewurkpa, nɛ e shin nɛ b sa mo ajibi nɛ e ji amo epul na to.

2 Samuɛl 20:16

Kache nyiashempo ko malɛ daa wɔ kade na to nseŋ yili egbal na so a wora awɔr a kaŋɛ le: “Keni nfe; Kaŋɛ Jɔab nɛ e ba nfe, ŋkpal manɛ so mee sha k malga mo kutɔ nna.”

1 Bewura 14:2

Ndoŋ nna nɛ ewura Jeroboam kaŋɛ mbe eche le: “Chɛrga fo asɔbuuso saŋɛ na so esa kama maaŋ pin fo, nɛ fo yɔ Shilo, kakpa nɛ anebi Ahija nɛ e kaŋɛ ma fanɛ meeŋ ki Israɛl be ewura na wɔ na.

1 Bewura 14:5

Ama Enyɛnpe Ebɔrɛ na teŋ kaŋɛ Ahija fanɛ Jeroboam be eche bee ba nɛ e ba bishi mbe kebia be kulɔ be asheŋ, nseŋ kaŋɛ Ahija kusɔ nɛ e beeŋ kaŋɛ mo. Ewura Jeroboam be eche ka ba ndoŋ, nɛ e wora mbe kumu fanɛ mannɛ mo nna.

2 Kronikɛls 11:6

Amo ale Bɛtlɛhɛm nɛ Etam nɛ Tekua

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nehemaya 3:27

Kade nɛ baa tre Tekua na be benyɛn malɛ e daŋ lɔŋɛ m pɔr egbal na be kaba nɛ k bɛ so na. Kaba nyɔsopo nɛ b daŋ pɔr nna na. B daŋ yili kakpa nɛ k wɔ ebu jeŋgreŋ gboŋ nɛ k bee kuŋ bɔrɛlambu na be anishito hale n ya fo egbal nɛ k mata Ofɛl na nna.

Nehemaya 3:5

Tekua be kade to ebi e daŋ daga fanɛ b lɔŋɛ m pɔr kaba nɛ k bɛ so na, ama bumo be bejuŋkparpoana na bre kini fanɛ b maaŋ shuŋ kushuŋ kpakpaso nɛ benimu nɛ baa keni beshumpo na so na sa bumo na.

Nshɛ 104:15

nsaa nya yabra a nuu nɛ mbe kagbene bee fuli mo, mo alɛ naa nya ŋku a gbiti mbe anishito nɛ k bee nyɛkpɛ nsaa nya ajibi be yiri kikɛ a ji a nya eleŋ nɛ alenfia.

Kaŋinichiŋgeliŋ 9:8

Baa buu asɔ fuful jemanɛ kikɛ nsaa saŋɛ kenishito a wora asheŋ kagbenefuliso

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Eemɔs 1:1

Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Matiu 6:17

Ama nɛ men baŋ kishi, men fɔr men be anishito ŋ gbiti men be amu ŋku.

Ruf be kawɔl 3:3

loŋ so wora manaŋ m bɛr nseŋ ta fo asɔbuuso nɛ a walɛ ga na m buu, nseŋ gbiti tulale dufɛso n yɔ kakpa nɛ baa bri asɔ na. Fo kaŋ yɔ ndoŋ, fo sa maŋ shin nɛ e pin fo asheŋ ama e ji nna n loge pɔɛŋ.