2 Samuɛl 14:19 - EBƆRƐ BE KAWƆL

¹⁹ Nɛ ewura na bishi mo le: “Fee tama fanɛ Jɔab be kɔnɔ maa ji asheŋ ere to a?” Nɛ kache na yɛ: “Yiramu, fo kuwura be eleŋ so m maŋ kɔ ekpa kikɛ nɛ ŋ kini kesa fo mbishi ere be atuwebi. Fo kayɛrbi Jɔab gbagba e kaŋɛ ma kusɔ nɛ meeŋ wora nɛ kusɔ nɛ meeŋ kaŋɛ kikɛ.

2 Samuɛl 14:19 ပူးပေါင်းရင်းမြစ်များ

2 Samuɛl 11:11

Nɛ Yuriya kaŋɛ Deevid le: “Israɛl nɛ Juda be basa kikɛ lar n choŋ kena to nɛ ŋkre be deka na malɛ gba wɔ bumo kutɔ, hale benapo be ejuŋkparpo Jɔab nɛ benimu nɛ b bɛ mo so na kikɛ dese kowushina, nuso nɛ ma ere bee dese laŋ to a ji a nuu, nɛ ma nɛ ma eche e baa di? M maaŋ wora loŋ kikɛ!”

2 Samuɛl 14:18

Nɛ ewura na kaŋɛ le: “Shin nɛ m bishi fo kesheŋ bishiso ere nɛ fo kaŋɛ ma kumo be kashenteŋ.” Nɛ kache na kaŋɛ le: “Yiramu, bishi ma kusɔ kama nɛ fee sha.”

2 Samuɛl 14:3

Kumo be kaman nɛ Jɔab kaŋɛ kache na kusɔ nɛ e beeŋ ya kaŋɛ ewura na.

2 Samuɛl 18:13

N daŋ kplaŋ ewura na be kɔnɔ so nseŋ mɔ Absalɔm, e daa beeŋ nu kumo, ŋkpal manɛ so asheŋ kikɛ maa wora a baŋ mo so. Fo alɛ daa maaŋ kuŋ ma.”

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

2 Samuɛl 3:29

Ama kumo be kasogberge beeŋ ba Jɔab nɛ mbe kanaŋ kikɛ so! Kumo e la fanɛ echefoso, bumo be kanaŋ mo nɛ k beeŋ koso be enyɛn ko beeŋ lɔ babaso be kulɔ ŋko keboti, ŋko e beeŋ baa la esa nɛ e maaŋ tiŋ n shuŋ benyɛn be kushuŋ ama beche peya ŋko e beeŋ baa la esa nɛ e beeŋ wu kena to, ŋko esa nɛ e maaŋ ji m moɛ kikɛ!”

2 Samuɛl 3:34

B daa maŋ kre fo enɔana. Bumo alɛ daa maŋ kre fo aya gba. Ama fo wu fanɛ esa nɛ beyu mɔ.” Ndoŋ nna nɛ basa na naŋ pante kushu n lɛ to.

2 Bewura 2:2

B ka wɔ ekpa to a yɔ na, nɛ anebi Elaija kaŋɛ Elaisha le: “Enyɛnpe Ebɔrɛ na kaŋɛ fanɛ n yɔ Bɛtɛl, amoso fo ere e baa jo nfe.” Nɛ Elaisha kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, meeŋ tu fo n yɔ.” Amoso bumo kikɛ daŋ bɛ abar so nna n yɔ Bɛtɛl.

Ɛksodɔs 4:15

E kaŋ ba, fo kaŋɛ mo kusɔ nɛ e beeŋ malga. Meeŋ chɛ menyi benyɔ kikɛ to ŋ ŋini menyi kusɔ nɛ menyeeŋ wora, saŋɛ na so, menyeeŋ tiŋ m malga.

Aŋasa 25:2

Ebɔrɛ bee nya bunyaŋ nna ŋkpal e ka kɔ ashiri so, nɛ bewura malɛ bee nya kemaŋkura ŋkpal bumo be kebaa bugi asheŋ to so.

Aŋasa 4:27

Baa gelge kulubi nsaa nite teteri, Sa maa kpele ekpa niŋiso na kikɛ.”

Nɔmbɛs 20:17

Amoso jande, sa anyi ekpa nɛ an bɔla fo kasawule so n choŋ. Anyi maaŋ bɔla men be ndɔana ŋko men be asɔrso nɛ baa tre greep na be adɔ to. Anyi alɛ maaŋ nuu menyi be atirbu to be nchu. Anyeeŋ baŋ bɔla kegbembi so nna n nite a yɔ hale n ya baŋ menyi be kasawule so.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Ditɛronɔmi 28:14

Ama men sa maŋ kaŋ kini kewora mbe mbra kama kasonu ekpa kama so. Menyi alɛ e sa maŋ kaŋ shuŋ agbir m bunyaŋ amo.”

Ditɛronɔmi 5:32

Amoso, Israɛlebi, a daga men baa wora Enyɛnpe, menyi be Ebɔrɛ na be mbraana na kasonu. Men sa maa wora a da amo be kekama so.

Joshuwa 1:7

Leŋ fo kumu to nsaa kɔ kagbene nɛ kenyɛn. Wora ania a bɛ mbra nɛ ma kayɛrbi Mosis sa fo na so. Sa maŋ kaŋ yige mbra na be kedosobi gba n lɛ. Nɛ fo wora loŋ bre kaplɛkama nɛ fo yɔ, asheŋ beeŋ baa nyalɛ, a sa fo.

1 Samuɛl 1:26

Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.

1 Samuɛl 17:55

Saŋɛ nɛ Deevid daa yɔ nɛ e ya kɔ Goliɛf na, nɛ Sɔɔl bishi mbe benapo be enimu Abna le: “Abna, wanɛ pibinyɛn nde?” Nɛ Abna yɛ: “Yiramu, m maŋ nyi.”

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.