2 Samuɛl 14:14 - EBƆRƐ BE KAWƆL

¹⁴ Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

2 Samuɛl 14:14 ပူးပေါင်းရင်းမြစ်များ

2 Samuɛl 11:25

Nɛ ewura Deevid kaŋɛ kabɔ na le: “Ya kaŋɛ Jɔab fanɛ e sa maa pɔ aba ŋko n shin nɛ mbe kagbene e baa jija mo, ŋkpal manɛ so, esa kama maŋ nyi esa nɛ e bee wu kena to. Kaŋɛ mo nɛ e laŋɛ ŋ kre mbe ntua nɛnɛ nseŋ kɔ n sɔ kade na.”

2 Samuɛl 14:15

Yiramu, naniere kusɔ nɛ k ba nɛ m ba nɛ m ba kaŋɛ fo na a la fanɛ, basa na daa funti ma nna, kumo so nɛ n fɛ fanɛ meeŋ malga fo kutɔ ŋ keni feeŋ tiŋ n chɛ ma to a?

1 Bewura 11:39

Ŋkpal Sɔlɔmɔn be kulubi nɛ e wora ere so, meeŋ gberge ewura Deevid be kaman to ebi kusoe n ya fo jemanɛ ko.’ ”

Job be kawɔl 14:14

Nɛ esa baŋ wu, e maaŋ naŋ tiŋ m ba ŋkpa to. Amoso awurfoŋ nɛ mee ji ere kikɛ mee jo ma saŋɛ nna.

Job be kawɔl 30:23

K maaŋ chɛr e beeŋ shin nɛ n wu n yɔ bubuni to, kakpa nɛ ekama beeŋ yɔ kachako na.

Job be kawɔl 34:15

anyi edimɛdi beeŋ wu nseŋ bɛta n yɔ eshishɛr to.

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Nshɛ 22:15

Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Nshɛ 58:7

Shin nɛ b foe fanɛ kabombi to be nchu ka wɔlto na. B baŋ gberge bumo be ata to, fo shin nɛ atanyembi na be nnɔ e gbel.

Nshɛ 77:8

Mbe kasha nɛ k maŋ kɔ ekar na loge anyi so nna ere a? Mbe nnɔ naseso na malɛ gba ba ekar nna ere a?

Nshɛ 79:3

B chulgi ŋklaŋ n wurge nɛ e bee shile fanɛ nchu ashi Jerusalɛm to. Esa kikɛ maŋ wɔtɔ nɛ e puli bubuni na.

Nshɛ 90:10

Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Nshɛ 90:3

Fo e yili kumo fanɛ an baa wu nsaa bɛta a yɔ eshishɛr to.

Ɛksodɔs 21:13

Ama nɛ k ba fanɛ e maŋ kute nna n wora loŋ, kumo ere Ebɔrɛ be kushuŋ nna, amoso e beeŋ tiŋ n shile n yɔ kakpa nɛ meeŋ ŋini menyi na n ya nya mbe kumu.

Kaŋinichiŋgeliŋ 9:5

Kashenteŋto, basa nɛ b wɔ ŋkpa to nyi b ka beeŋ wu, ama basa nɛ b wu bre maŋ naa nyi shɛŋ. Kusɔ lela kikɛ maŋ naa wɔtɔ n sa bumo; bumo ere choŋ nna na, nɛ b teŋ bumo so.

Nfabel 3:31

Enyɛnpe Ebɔrɛ na la ewɔrwupo nna, e maaŋ kini anyi n lɛ hale mbaanaayɔ.

Ezikɛl 18:23

Basa lubi be luwu maa par ma Enyɛnpe Ebɔrɛ na kikɛ. Kusɔ nɛ mee sha e la fanɛ b ka beeŋ tuba n lar bumo be alubi to nseŋ ji efute n chɛr.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Nɔmbɛs 35:15

Le be nde ere e naaŋ baa la kesɔnyige be nde n sa Israɛlebi na nɛ befɔ nɛ bekama nɛ b chena menyi to na. Ekama nɛ e maŋ kute n mɔ esa beeŋ tiŋ n shile n ya ŋana ndoŋ.

Nɔmbɛs 35:25

K daga b ka kuŋ emɔpo na ashi esa nɛ e bee fin mo nɛ e mɔ n tal to na kutɔ n yɛr mo kesɔnyige be kade to nɛ e ya ka wɔ ndoŋ hale nɛ bɔrɛmatapo nimuso na e ya wu.

Nɔmbɛs 35:28

Emɔpo na daga fanɛ e baa wɔ kade na to n ya fo saŋkama nɛ bɔrɛmatapo nimuso na wu pɔɛŋ nɛ e bɛta n yɔ epe.

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Ashuŋ Shunso 10:34

Nɛ Pita fara mbe kamalga ŋ kaŋɛ: “Naniere nɛ m pin kashenteŋto fanɛ Ebɔrɛ maa kpɛa to.

Romebi 2:11

Ŋkpal manɛ so, Ebɔrɛ maa kpɛa basa to.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.

1 Pita 1:17

Ŋkpal men ka bee tre esa nɛ e bee ji dimɛdi kikɛ be aworbi demu ŋkaa maa kpɛa mo to na men Tuto ere so, a daga fanɛ men baa wɔ durnya ere to fanɛ befɔ a ŋana Ebɔrɛ.