2 Samuɛl 13:14 - EBƆRƐ BE KAWƆL

¹⁴ Ama Amnɔn daŋ maŋ nu n sa kusɔ nɛ Tamaa bee kaŋɛ na nseŋ tintiŋ m pur mo.

2 Samuɛl 13:14 ပူးပေါင်းရင်းမြစ်များ

Jɛnesis 34:2

Ndoŋ nna nɛ Shɛkɛm, Hamar nɛ e daa la Hivebi nɛ efuli na so be ewura na pibinyɛn wu Daina nseŋ pur mo.

2 Samuɛl 12:11

Ma Enyɛnpe Ebɔrɛ e naa kaŋɛ fo na fanɛ meeŋ shin nɛ esa ko nɛ e shi fo kanaŋ to e kil asheŋ m ba sa fo. Ma alɛ beeŋ sɔ fo beche fo kutɔ n ta bumo n sa fo kanaŋ to be esa ko nɛ mo bumo e di keche nɛ kenyɛn kowushina kapiidi basa be anishito.

2 Samuɛl 13:15

Kumo be kaman nɛ Tamaa be asheŋ fara a nu Amnɔn agbo nɛ e kishi mo ga. Kekishi na daa chɔ kasha nɛ e daa kɔ n sa mo sososo na. Kumo be kaman nɛ Amnɔn ponte ŋ kaŋɛ mo le: “Koso n lar kowu!”

Ɛsta 7:8

Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Levitikɔs 18:9

Sa maŋ kaŋ tu fo sipoche nɛ fo nɛ mo la kenio koŋwule nɛ ketuto koŋwule ŋko emo nɛ fo nɛ mo la kenio ŋko ketuto koŋwule nawule n di keche nɛ kenyɛn kikɛ. E la eche nɛ b bela fo nɛ mo laŋ koŋwule to nna. Hale b bela mo laŋ pɔtɛ to gba, a maŋ daga fo nɛ mo e di keche nɛ kenyɛn.

Ditɛronɔmi 27:22

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ di mo sipoche ŋko mo nio mo chamana pibiche na so.” Nɛ basa nɛ b yil Ebal be kebee so na e kaŋɛ: ‘Amɛn!’

Demujipoana 20:5

Nɛ Gibiya be benyɛn ba kulti laŋ nɛ an daa wɔ kumo to kanyɛso na. B daŋ kre kemɔ ma nna, ama b ka maŋ nya ma so nɛ b pur n jipoche na nɛ e wu.