2 Samuɛl 12:9 - EBƆRƐ BE KAWƆL

⁹ Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

2 Samuɛl 12:9 ပူးပေါင်းရင်းမြစ်များ

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

2 Samuɛl 12:10

Amoso fo nanabiana nɛ baŋ koso kachako so na be beko beeŋ wu luwu nyaŋnyaŋso ŋkpal fo ka kini kenu n sa ma nseŋ wora le be kusɔ ŋ ŋaba ma so.

2 Samuɛl 16:7

Shimei daŋ sho mo kɔnɔ nna ŋ kaŋɛ le: “Fo emɔpo nɛ esa jiga ere! Baa yɔ ŋ ka anyi.

1 Bewura 15:5

Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Nshɛ 51:14

Mɔlga ma ashi kamɔ be kulubi to. Ŋkpal manɛ so, fo nawule e naŋ tiŋ m mɔlga ma. Saŋɛ na so meeŋ boŋ kashɛ awɔrso ŋ kaŋɛ fo kumɔlga be eleŋ na be asheŋ.

Nshɛ 51:16

Esarga nɛ etoto daa bɔlɔ fo kenishi nna, n daa beeŋ bar fo amo.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Nshɛ 90:8

Fo alɛ nyi anyi be alubi kikɛ be asheŋ; hale amo nɛ an ŋana n wora ashiri to gba.

Aŋasa 14:2

Basa nɛ bumo be asheŋ wora so niŋi bee ŋana Ebɔrɛ nna, ama esa kama nɛ e maa wora asheŋ niŋiso maa sa Ebɔrɛ bunyaŋ.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Jɛremaya 18:10

nɛ efuli na so be basa kini kewora ma kasonu nseŋ wora asheŋ lubi, m maaŋ naŋ wora kelela nɛ n daŋ kaŋɛ fanɛ meeŋ wora bumo na.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

1 Samuɛl 15:19

Manɛ nna nɛ fo maŋ wora kasonu n sa Enyɛnpe Ebɔrɛ? Manɛ nna nɛ fo kuse n ya muu asɔ lela na kikɛ nseŋ shin nɛ Enyɛnpe Ebɔrɛ nya agbo?”

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”

1 Samuɛl 15:26

Nɛ Samuɛl yɛ: “M-m, Fo maaŋ naŋ bɛ ma so n yɔ. Ŋkpal fo ka kini Enyɛnpe Ebɔrɛ be mbra na be kebɛso na so, mo alɛ gba kini fo fanɛ ewura.”