2 Samuɛl 12:31 - EBƆRƐ BE KAWƆL

³¹ E daŋ shin nna nɛ kumo be basa ta ekapɛnta be nsaŋɛgboŋ nɛ baa tre sɛrdaa na nɛ abɛlso be ntekpa nɛ akpanfu a tintiŋ bumo nɛ b baa shuŋ a ku ebirkesi. Loŋ koŋwule na nɛ e daŋ wora ndewurbi nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

2 Samuɛl 12:31 ပူးပေါင်းရင်းမြစ်များ

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

1 Kronikɛls 20:2

Kumo be kaman nɛ ewura Deevid yɔ Raaba n ya ta bumo be kegbir nɛ baa tre Mɔlɛk na be kuwurwuro nɛ b ta shuwa nɛ amo be egbɛ sa fanɛ kilo adesa nɛ ana n lɔŋɛ na. Kuwuro na to daa kɔ kemaŋkanibi lela ko nna nɛ ewura Deevid ta kumo m mata mbe kuwurwuro so. E daŋ tintiŋ nna m muu kade na to be asɔ lela kikɛ gba n yɔ.

1 Kronikɛls 20:3

Nseŋ tintiŋ kade na to be basa nɛ baa ta ekapɛnta be nsaŋɛgboŋ nɛ abɛlso be ntekpa nɛ akpanfu a shuŋ. Loŋ koŋwule na nɛ e daŋ wora nde nɛ a wɔ Ammɔn be efuli so na kikɛ. Kumo be kaman nɛ mo nɛ mbe benapo bɛta n yɔ Jerusalɛm.

Jɛremaya 43:9

“Fin ajembu nɛ a shishibi nsaa du peŋgeleŋ peŋgelembi n sulɔ amo n yɔ Ijipt be ewura Fɛɛro be ewurkpa nɛ k wɔ Taapanes be kadegboŋ na to na be kabuna n ya pulgi ebirkesi nɛ b ta m pɔr akpabi a nite so a luri ewurkpa na nseŋ kur m puli ajembu na ndoŋ. Shin nɛ Israɛlebi na be beko e wu fo nɛ fee wora loŋ.

Eemɔs 1:13

Enyɛnpe Ebɔrɛ yɛ: “Ammɔn be basa wora alubi n ya baŋ so. Amoso abaanaaworashɛŋ meeŋ gberge bumo kusoe. M maaŋ yige bumo kikɛ. B ka daa kɔ a fin kasawule na, b daŋ baŋɛ bedampoche nɛ b daa wɔ Giliad na be epunana to nna.

Eemɔs 1:14

Ŋkpal loŋ so meeŋ shin nɛ edɛ e tɔr egbal nɛ b pɔr ŋ kulti Ammɔn be efuli so be kadegboŋ nɛ baa tre Raaba na so n chɔɔ kumo be kumɔlga be mboŋana. Kumo be kamɔnchɛ benapo beeŋ cha kena to be awɔr nseŋ kɔ kena fanɛ afugboŋ ka bee ber na.

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Hibruwebi 11:37

Ŋkpal yirda so, b daŋ kpa beko ajembu m mɔ nseŋ daŋ chaŋɛ bede to ntuŋnyɔso nseŋ ta tokobi m mɔ bede malɛ. Ŋkpal yirda koŋwule na so beko daŋ dela mbolpɔ be nwɔl nɛ mboe be nwɔl nna a wɔ ketir to nɛ tɔrɔ nɛ nfɛlso be kekɔrfɛ to.

Joshuwa 10:15

Kede be kaman nɛ Joshuwa nɛ Israɛlebi na bɛta n yɔ Gilgaal be keeyi na to.