2 Samuɛl 12:20 - EBƆRƐ BE KAWƆL

²⁰ Ndoŋ nna nɛ Deevid koso kasawule n ya bɛr m mɔ mbe emin to, n chɛrga mbe epiŋi nɛ e buu na nseŋ yɔ Enyɛnpe Ebɔrɛ be lambu to n ya bunyaŋ mo. E ka bɛta m ba ewurkpa, nɛ e shin nɛ b sa mo ajibi nɛ e ji amo epul na to.

2 Samuɛl 12:20 ပူးပေါင်းရင်းမြစ်များ

2 Samuɛl 12:19

Ewura Deevid ka nu kananɛ baa kuli abar kutɔ na, nɛ e pin fanɛ kebia na wu. Ndoŋ nna nɛ e bishi bumo le: “Kebia na wu nna a?” Nɛ b shuli so ŋ kaŋɛ: “Mm, e wu nna.”

2 Samuɛl 12:21

Nɛ mbe nyɛrbi na kaŋɛ mo le: “Anyi ere maŋ pin kesheŋ ere to ŋkpal manɛ so, kebia na ka wɔ ŋkpa to fo daa shu nna nsaa kishi a sa mo ama e ka baŋ wu bre, epul to nɛ fo fin ajibi n ji!”

2 Samuɛl 14:2

Amoso e daŋ shuŋi n tre kache nyiashempo ko nna ashi kade nɛ ba tre Tekua na nna. E ka ba nɛ e kaŋɛ mo le: “Wora fanɛ fo ka nya keeli na, nseŋ buu keeli to be ewajɛ, nsaa maŋ kaŋ m mɔ fo emin to. Wora fanɛ fo ka shu keeli na n chɛr ga na.”

2 Samuɛl 19:24

Nɛ Sɔɔl mo nanabi Mifiboshɛf gba koso n lar n ya shɛr ewura Deevid to. Baŋ yili saŋɛ so nɛ ewura na lar Jerusalɛm to n naŋ ya bɛta m ba nɛ alenfia na kikɛ, Mifiboshɛf daa maŋ fɔr mbe aya gba so, e daa maŋ she mbe katɔl, mo alɛ daa maŋ naŋ fɔr mbe asɔbuuso gba.

2 Samuɛl 6:17

Ndoŋ nna nɛ b ta deka na m ba yili wajɛbu nɛ Deevid lɔŋɛ na to. Nɛ e ta asɔbɔya n lara sarga nseŋ chɔɔ amo bɔrɛsure na so n sa Enyɛnpe Ebɔrɛ.

2 Samuɛl 7:18

Ndoŋ nna nɛ ewura Deevid yɔ wajɛbu na to ashi Enyɛnpe Ebɔrɛ be anishito n ya kule Ebɔrɛ ŋ kaŋɛ le: “Enyɛnpetale Ebɔrɛ, kusɔ nɛ fo wora n sa ma ere maŋ daga ma nɛ ma kanaŋ to ebi kuraa.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Job be kawɔl 2:10

Ndoŋ nna nɛ Job kaŋɛ mbe eche le: “Sa maa malga fanɛ ewulpo! Nɛ anyeeŋ sɔ Ebɔrɛ be nɛfa nɛ enɔgboŋ anyɔ, manɛ nna nɛ anyi maaŋ sɔ etɔrɔ bre mo kutɔ?” Asheŋ ere kikɛ to, Job maŋ malga ŋ gbiti Ebɔrɛ fanɛ e maŋ wora n nyalɛ.

Nshɛ 103:1

Meeŋ ta ma kagbene kikɛ n fur Enyɛnpe Ebɔrɛ na, nseŋ ta ma kebaawɔtɔ kikɛ ŋ kpaŋ mbe ketre cheembi na!

Nshɛ 103:8

Enyɛnpe Ebɔrɛ na la ewɔrwupo nna, nsaa kɔ kanyiti; mbe kasha malɛ maa chɛrga kikɛ.

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Kaŋinichiŋgeliŋ 9:8

Baa buu asɔ fuful jemanɛ kikɛ nsaa saŋɛ kenishito a wora asheŋ kagbenefuliso

Matiu 6:17

Ama nɛ men baŋ kishi, men fɔr men be anishito ŋ gbiti men be amu ŋku.

Luuk 7:46

Ŋ ka ba, fo maŋ ta ŋku n do ma kumu so, ŋkeshin nɛ mo ere ta tulale n wurge ma ayadra kikɛ so.

Ruf be kawɔl 3:3

loŋ so wora manaŋ m bɛr nseŋ ta fo asɔbuuso nɛ a walɛ ga na m buu, nseŋ gbiti tulale dufɛso n yɔ kakpa nɛ baa bri asɔ na. Fo kaŋ yɔ ndoŋ, fo sa maŋ shin nɛ e pin fo asheŋ ama e ji nna n loge pɔɛŋ.

1 Samuɛl 15:25

Ama naniere bre mee kule fo nna nɛ fo ta ma alubi m paŋ ma nseŋ shin nɛ n tu fo n ya bunyaŋ Enyɛnpe Ebɔrɛ.”

1 Samuɛl 15:31

Ndoŋ nna nɛ mo nɛ Samuɛl bɛta n yɔ nɛ Sɔɔl ya bunyaŋ Enyɛnpe Ebɔrɛ.