2 Samuɛl 12:16 - EBƆRƐ BE KAWƆL

¹⁶ Nɛ ewura Deevid kule Ebɔrɛ a fin fanɛ kebia na e nya alenfia. E daa kishi nna a kule Ebɔrɛ nsaa dese kasawule kanyɛso kikɛ.

2 Samuɛl 12:16 ပူးပေါင်းရင်းမြစ်များ

2 Samuɛl 12:15

Kumo be kaman nɛ Neetan yɔ laŋ to. Ndoŋ nna nɛ Enyɛnpe Ebɔrɛ shin nɛ kulɔ kpakpaso pɛ kebia nɛ ewura Deevid nɛ Yuriya be eche kurge na.

2 Samuɛl 12:22

Nɛ ewura Deevid shuli so ŋ kaŋɛ le: “Mm, e ka daa wɔ ŋkpa to, n daa kishi nna nsaa shu, ŋkpal manɛ so n daŋ fɛ nna fanɛ Enyɛnpe Ebɔrɛ beeŋ wu ma kuwɔr nseŋ yige kebia na.

2 Samuɛl 13:31

Nɛ ewura Deevid kpa n niŋi to, nseŋ kpɛa mbe epiŋi to kagbenejijaso nseŋ dese kasawule. Mbe nyɛrbi nɛ b daa wɔ mo kutɔ na gba daŋ kpɛa bumo be epiŋi to nna.

1 Bewura 21:27

Anebi Elaija ka malga n loge nɛ ewura Ahab kpɛa mbe epiŋi to nseŋ lara amo n ta kagbenejijaso be piŋi a buu kapa nɛ kanya a ŋini fanɛ mbe kagbene jija ga. E daŋ kini ajibi gba nna nseŋ gbir kenishito.

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 69:10

Mee kishi nsaa shu; ama b kraa tege ma.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Danɛl 6:18

Kumo be kaman nɛ ewura na bɛta n yɔ ewurkpa n ya chena ŋklade. E daa maŋ ji shɛŋ ŋko n shin nɛ b wora epel ko n deŋi mo anishito.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Ashuŋ Shunso 9:9

Nchɛ nsa nɛ e maa tiŋ a wu, jemanɛ na malɛ kikɛ so nɛ e maa ji ŋko a nuu shɛŋ.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.