2 Samuɛl 12:10 - EBƆRƐ BE KAWƆL

¹⁰ Amoso fo nanabiana nɛ baŋ koso kachako so na be beko beeŋ wu luwu nyaŋnyaŋso ŋkpal fo ka kini kenu n sa ma nseŋ wora le be kusɔ ŋ ŋaba ma so.

2 Samuɛl 12:10 ပူးပေါင်းရင်းမြစ်များ

Jɛnesis 20:3

Kachako kanyɛso nɛ Ebɔrɛ ba ewura na kutɔ ashi edare to m ba kaŋɛ mo le: “Feeŋ wu, ŋkpal fo ka ta eche kilpo ere ŋ ki fo eche so.”

2 Samuɛl 18:33

Ndoŋ nna nɛ kagbenejija tɔr ewura na so, nɛ e fara e chicha nseŋ dii n yɔ ebu nɛ k wɔ kabunagboŋ na be esoso na to n ya shu ga. Le nɛ e daa shu a kaŋɛ a yɔ: “O m pibinyɛn! M pibinyɛn Absalɔm! Absalɔm, m pibinyɛn! Nɛ k daa la fanɛ ma e wu gba, k daa bɔ fo ka wu ere.”

1 Bewura 15:5

Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

Aŋasa 17:13

Fo baa ta kulubi a ka kelela be kukɔ, alubi maaŋ lar fo laŋ to kikɛ.

Eemɔs 7:9

Abee so be mboŋ nɛ basa daa shuŋ Ebɔrɛ na kikɛ beeŋ mur. Nɛ bumo be ebɔrɛlambuana kikɛ a ki alambure. Nɛ n shin nɛ Ewura Jeroboam be kuwurji malɛ e ba ekar.”

Nɔmbɛs 11:20

ama kufɔl lelemu nɛ menyee we amo hale nɛ a fi menyi. Ŋkpal men ka kini ma nsaa fubel a bile asheŋ a kaŋɛ fanɛ men daa nyi gba nna, menyi maŋ lar Ijipt be efuli so so.”

Matiu 26:52

Nɛ Yesu kaŋɛ ebɛsopo na le: “Bɛta fo tokobi n wɔtɔ kumo be efar to, ŋkpal manɛ so, bekama nɛ baa pe etokobi a kɔ la bumo nɛ etokobi beeŋ mɔ nna.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.