2 Samuɛl 12:1 - EBƆRƐ BE KAWƆL

¹ Ebɔrɛ e daŋ shuŋi anebi Neetan Deevid kutɔ nɛ e ya kaŋɛ mo le: “Basa anyɔ ko e daa wɔ kade koŋwule ko to. Eko daa la damawura nna nɛ eko malɛ la etirpo.

2 Samuɛl 12:1 ပူးပေါင်းရင်းမြစ်များ

2 Samuɛl 11:25

Nɛ ewura Deevid kaŋɛ kabɔ na le: “Ya kaŋɛ Jɔab fanɛ e sa maa pɔ aba ŋko n shin nɛ mbe kagbene e baa jija mo, ŋkpal manɛ so, esa kama maŋ nyi esa nɛ e bee wu kena to. Kaŋɛ mo nɛ e laŋɛ ŋ kre mbe ntua nɛnɛ nseŋ kɔ n sɔ kade na.”

2 Samuɛl 12:2

Damawura na daa kɔ ana nɛ mbolpɔ damta nna.

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

2 Samuɛl 7:17

Kusɔ kama nɛ Ebɔrɛ lara ŋini Neetan na nɛ e daŋ kaŋɛ ewura Deevid.

1 Bewura 1:8

Ama bɔrɛmatapo Zadɔk nɛ Jehowada pibinyɛn Bɛnaya nɛ anebi Neetan nɛ Shimei nɛ Rei nɛ enapo nɛ e bee kuŋ ewura Deevid na bre daa maŋ bɛ kusɔ nɛ Adonija kaŋɛ na so.

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

1 Bewura 18:1

Saŋɛ so nɛ ewule tɔr na be kafɛ sasopo to, nɛ Enyɛnpe Ebɔrɛ kaŋɛ anebi Elaija le: “Ta fo kumu n ya ŋini ewura Ahab pɔɛŋ nɛ n shin nɛ bɔrɛ e ba.”

1 Bewura 21:18

“Yɔ Israɛl be ewura Ahab nɛ e bee shin nɛ e sɔ Nabɔf be asɔrso be kudɔ ŋ ki mo peya na kutɔ,

1 Bewura 4:5

Esa nɛ e daa la abane na be abonfu abonfu be bejuŋkparpo be enimu gboŋ e daa la Neetan pibinyɛn Azariya, nɛ bɔrɛmatapo Zabud nɛ mo alɛ gba la Neetan pibinyɛn na malɛ la bewura be asoetojipo.

2 Bewura 1:3

Ndoŋ nna nɛ Enyɛnpe Ebɔrɛ be malaika kaŋɛ anebi Elaija nɛ e shi Tishbe na fanɛ e ya shɛr Ewura Ahaziya be mbɔ na to nseŋ bishi bumo le: “Manɛ nna nɛ menyee yɔ Ekrɔn nɛ men ya wu kegbir nɛ baa tre Baalzebɔb na? Menyee fɛ nna fanɛ Ebɔrɛ kikɛ maŋ wɔ Israɛl be efuli so nɛ men ya wu mo a?

1 Kronikɛls 29:29

Kusɔ kama nɛ Deevid wora saŋɛ so nɛ e daa la ewura na be asheŋ kikɛ daa wɔ anebi Samuɛl nɛ Neetan nɛ Gad be nwɔl to.

Aizaaya 39:3

Kumo be kaman nɛ anebi Aizaaya yɔ ewura Hɛzekaya kutɔ n ya bishi mo le: “Nnɛ nɛ basa ere shi m ba nfe; nɛ manɛ nɛ b kaŋɛ fo?” Nɛ ewura Hɛzekaya kaŋɛ: “B shi efuli wɔfɔ ko nɛ baa tre kumo Babilɔn na nna.”