2 Samuɛl 11:2 - EBƆRƐ BE KAWƆL

² Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

2 Samuɛl 11:2 ပူးပေါင်းရင်းမြစ်များ

Jɛnesis 12:11

Mo nɛ mbe eche Sɛɛrai ka ta loŋ n ya kaa taga to Ijipt nɛ e kaŋɛ mo le: “Sɛɛrai, n nyi fo ka walɛ kebita ga.

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 34:2

Ndoŋ nna nɛ Shɛkɛm, Hamar nɛ e daa la Hivebi nɛ efuli na so be ewura na pibinyɛn wu Daina nseŋ pur mo.

Jɛnesis 39:6

Josɛf ka daŋ baa juŋkpar kusɔ kama ashi mbe laŋ to so, Potifa daŋ maŋ naa fɔŋ shɛŋ so ama ajibi nɛ e beeŋ ji nawule. Josɛf malɛ daŋ pɔr nɛnɛ nna a walɛ kayɛrbi.

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

2 Samuɛl 13:1

Deevid pibinyɛn Absalɔm daa kɔ mo sipoche lela kebita ko nɛ baa tre mo Tamaa. Deevid pibinyɛn ko malɛ nɛ baa tre Amnɔn na daa sha Tamaa na nna.

2 Samuɛl 14:27

Absalɔm daa kɔ mbinyɛnsobi asa nɛ ebiche lela kebita koŋwule nɛ baa tre mo Tamaa.

2 Samuɛl 4:5

Kapiidi ko nɛ Ishboshɛf dese a wushi nɛ Reekab nɛ Baana yɔ mbe laŋ to.

2 Samuɛl 4:7

B ka luri Ishboshɛf be ebu to, nɛ b pe kasaŋɛ n da mbe epun m mɔ nseŋ ku mbe kumu n ta kumo m bɔla Jɔɔdan be ketaŋɛ na to n nite kanyɛso le hale nɛ kare ya chɛ.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Nshɛ 119:37

Lara ma lakal ashi asheŋ fuloŋ so; nseŋ shin nɛ ma kebaawɔtɔ e baa du fanɛ kananɛ fo kamalga bee ŋini na.

Aŋasa 19:15

Nɛ fo kɔ ntɔl nsaa dese a di, akoŋ e naa mɔ fo.

Aŋasa 31:30

Kebita bee loge, nɛ kela bee chɛrga, ama eche nɛ e bee sha Ebɔrɛ bre daga k baa fur nna.

Aŋasa 6:25

Sa maŋ kpal loŋ be beche be kebita so n yɛlga bumo; ŋko n shin nɛ bumo be kayɛlga so be kekeni fo, e shin nɛ fo sha bumo.

Aŋasa 7:8

E daa na kubɔrbi so nna a mata kakpa nɛ eche ko daa wɔ, nseŋ bɔla eche na be kawu ase.

Matiu 10:27

Asɔ nɛ mee kaŋɛ menyi tentembiri to ere, menyeeŋ ba malga amo gbagba kufulbi so, kusɔ kama malɛ nɛ men nu wulo to, men malga amo ashi ebuana be esoso.

Matiu 24:17

Esa kama nɛ e wɔ mbe kuchoŋi so e sa maŋ naŋ gbelge n ya ta asɔ nɛ a wɔ mbe ebu to.

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Ashuŋ Shunso 10:9

Kumo be ŋklade b ka ya taga to Jɔpa nɛ Pita malɛ dii kuchoŋi kapaso be jemanɛ nɛ e ya kule Ebɔrɛ.

Ditɛronɔmi 22:8

Nɛ fanɛ fo pɔr kowu popɔr, a daga fanɛ fo pɔr egbalshin kumo be kuchoŋi na so ŋ kulti, saŋɛ na so esa maaŋ shi kumo so n tɔr to n wu nɛ kumo be kulubi e bɛ fo.

Ditɛronɔmi 5:21

Men sa maŋ kaa yɛlga esa ko be eche ŋko esa ko mo kul ŋko mbe kowu, ŋko kasawule, ŋko anya, ŋko ana, ŋko ekurma, ŋko kusɔ kama nɛ e kɔ.’ ”

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

1 Jɔn 2:16

Ŋkpal manɛ so, asɔ nɛ a la durnya ere to be asɔ fanɛ asɔ nɛ dimɛdi be kapɔr lubi ere bee sha nɛ asɔ nɛ basa bee wu nsaa yɛlga nɛ durnya ere to be kamoowusheŋ kikɛ nyam maŋ shi Etuto na kutɔ, a la durnya ere to be asɔ nna.

1 Samuɛl 9:25

nɛ b bɔla kakpa nɛ baa shuŋ Ebɔrɛ na m bɛta n yɔ kade to. Ndoŋ nna nɛ b nase kelaŋ n sa Sɔɔl kuchoŋi be esoso ashi Samuɛl be laŋ to,