2 Samuɛl 11:11 - EBƆRƐ BE KAWƆL

¹¹ Nɛ Yuriya kaŋɛ Deevid le: “Israɛl nɛ Juda be basa kikɛ lar n choŋ kena to nɛ ŋkre be deka na malɛ gba wɔ bumo kutɔ, hale benapo be ejuŋkparpo Jɔab nɛ benimu nɛ b bɛ mo so na kikɛ dese kowushina, nuso nɛ ma ere bee dese laŋ to a ji a nuu, nɛ ma nɛ ma eche e baa di? M maaŋ wora loŋ kikɛ!”

2 Samuɛl 11:11 ပူးပေါင်းရင်းမြစ်များ

2 Samuɛl 11:10

Deevid ka nu fanɛ Yuriya maŋ yɔ laŋ to nɛ e tre mo m bishi le: “Fo ka lar laŋ to n chɛr le, manɛ nna nɛ fo maŋ yɔ laŋ to?”

2 Samuɛl 14:19

Nɛ ewura na bishi mo le: “Fee tama fanɛ Jɔab be kɔnɔ maa ji asheŋ ere to a?” Nɛ kache na yɛ: “Yiramu, fo kuwura be eleŋ so m maŋ kɔ ekpa kikɛ nɛ ŋ kini kesa fo mbishi ere be atuwebi. Fo kayɛrbi Jɔab gbagba e kaŋɛ ma kusɔ nɛ meeŋ wora nɛ kusɔ nɛ meeŋ kaŋɛ kikɛ.

2 Samuɛl 20:6

Nɛ ewura na kaŋɛ Abishai le: “Bikri pibinyɛn Shɛba beeŋ tɔrɔ anyi a chɔ Absalɔm. Amoso, ya keta ma benapo lempo na n ju m bɛ mo so, nɛ e maaŋ nya ekpa n luri kade nɛ b pɔr egbal ŋ kulti na to ŋ ŋana anyi so.”

2 Samuɛl 7:2

Ndoŋ nna nɛ ewura Deevid kaŋɛ anebi Neetan le: “Keni! Ndibi nɛ baa tre sida na nɛ b ta m pɔr ma laŋ ere, ama Ebɔrɛ be ŋkre be deka na bre wɔ wajɛbu to nna!”

2 Samuɛl 7:6

Baŋ yili jemanɛ so nɛ n lara Israɛlebi ashi Ijiptebi na m ba fo kabre, m maŋ naŋ chena bɔrɛlambu to kikɛ, kaplɛkama nɛ ma alɛ yɔ, wajɛbu to nɛ mee luri.

Nɔmbɛs 32:6

Ndoŋ nna nɛ Mosis kaŋɛ le: “Menyee sha kebaawɔ nfe nna nɛ men braana Israɛlebi nɛ b ka na bre e baa yɔ kena to a?

Baru lela nɛ Jɔn kute na 13:14

Nɛ kananɛ ma alɛ baa la men Nyɛnpe nɛ menyi be Eŋinipo nseŋ fɔr menyi be aya so ere, a daga fanɛ menyi alɛ gba e baa fɔr abar be aya so.

2 Timoti 2:12

Nɛ anyi maŋ pɔ aba nseŋ kraa ji kanyiti, anyi nɛ mo e naaŋ ji kuwura basa so. Ama nɛ an kini mo, mo alɛ gba beeŋ kini anyi.

1 Samuɛl 1:26

Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.

1 Samuɛl 14:18

Ndoŋ nna nɛ Sɔɔl kaŋɛ Ahija nɛ e daa la bɔrɛmatapo na le: “Ba nɛ an bishi Ebɔrɛ kusɔ nɛ e bee sha fanɛ an wora.”

1 Samuɛl 17:55

Saŋɛ nɛ Deevid daa yɔ nɛ e ya kɔ Goliɛf na, nɛ Sɔɔl bishi mbe benapo be enimu Abna le: “Abna, wanɛ pibinyɛn nde?” Nɛ Abna yɛ: “Yiramu, m maŋ nyi.”

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.

1 Samuɛl 4:4

Ndoŋ nna nɛ b shuŋi basa ko fanɛ b yɔ Shilo n ya ta Enyɛnpe be ŋkre be deka nɛ mbe ketre Enyɛnpetale deŋ mbe kuwurputi so ashi shuwa be emalaika anyɔ na be nferinto na m ba. Eli be mbinyɛnsobi anyɔ nɛ baa tre, Hofni nɛ Finihas gba daŋ ti bumo nɛ b ya ta ŋkre be deka na m ba na so.