2 Samuɛl 11:1 - EBƆRƐ BE KAWƆL

¹ Dɔchubɔrɛso, saŋɛ nɛ bewura bee lar a yɔ kena to na, nɛ Deevid daŋ shin nɛ Jɔab juŋkpar Israɛlebi be benapo na kikɛ, nɛ b ya kɔ m pɔɔ Ammɔnebi na so nseŋ kulti bumo be kadegboŋ nɛ baa tre Raaba na n wɔtɔ. Ama Deevid bre gbagba daa wɔ Jerusalɛm to nna.

2 Samuɛl 11:1 ပူးပေါင်းရင်းမြစ်များ

2 Samuɛl 10:14

Ammɔnebi na ka wu fanɛ Siriyaebi na bee shile na nɛ bumo alɛ gba lara keya fuful Abishai be anishito n shile n luri kade to. Ndoŋ nna nɛ Jɔab yige kekɔ Ammɔnebi na nseŋ bɛta n yɔ Jerusalɛm.

1 Bewura 20:22

Kede be kaman nɛ Anebi na yɔ Ewura Ahab kutɔ n ya kaŋɛ mo le: “Ya fin benapo n ti fo benapo nɛ fo kɔ na so ŋkpal manɛ so Siriya be ewura Bɛnhadad nɛ mbe benapo kraa beeŋ baa kɔ fo kena dɔchubɔrɛ be jemanɛ so.”

1 Bewura 20:26

Dɔchubɔrɛ be jemanɛ ka fo nɛ ewura Bɛnhadad gbargbar mbe benapo n yɔ Afɛk be kade to nɛ e ya kɔ Israɛlebi kena.

1 Kronikɛls 20:1

Dɔchubɔrɛ be saŋɛ nɛ bewura bee yɔ kena to na nɛ Jɔab juŋkpar Israɛl be benapo nɛ e ya kɔ n sɔ Ammɔn be kasawule. Ewura Deevid bre daŋ shir a wɔ Jerusalɛm nna. Benapo na daŋ pugi ŋ kulti kadegboŋ nɛ baa tre Raaba na nna n wɔtɔ ŋ kɔ m mur kumo.

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

Nshɛ 60:9

Wanɛ e naaŋ yɛr ma kadegboŋ nɛ b pɔr egbal ŋ kulti na to? Wanɛ e naaŋ juŋkpar ma n yɔ Edɔm be efuli so?

Kaŋinichiŋgeliŋ 3:8

Mo e naa yili kasha nɛ kekishi be saŋɛ, nsaa yili kena nɛ kayurwushi malɛ gba be saŋɛ.

Jɛremaya 49:2

Kachako bee ba nɛ n shin nɛ benapo ko e ba kɔ basa nɛ b wɔ efuli na be kadegboŋ nɛ baa tre Rabba to na kena m mur kumo cheche nseŋ chɔɔ ndekarso na n lɛ. Kumo be kaman nɛ Israɛl be basa e naŋ sɔ bumo be kasawule ashi basa nɛ b daŋ suge kumo na kutɔ.

Jɛremaya 49:3

Menyi basa nɛ men wɔ Hɛshbɔn be kade to na beeŋ shu awɔrso. Kade nɛ baa tre Ai na beeŋ mur! Rabba be beche, menyeeŋ ta nli be asɔbuuso m buu a shu keeli! Ekama beeŋ wulto a shile a kulti kaplɛkama. Baaŋ ta menyi be kegbir, Mɔlɛk nseŋ pɛ agbirwuraana nɛ kegbir ase be benimuana na tintiŋ so n yɔ efuli pɔtɛ wɔfɔ so.

Ezikɛl 21:20

a ŋini ekpa nɛ k bee yɔ Ammɔnebi be kadegboŋ nɛ baa tre Raba na, nɛ kumo nɛ kumo alɛ bee yɔ Juda be kadegboŋ nɛ baa tre Jerusalɛm nɛ b pɔr egbal ŋ kulti kumo na; nɛ Babilɔn be ewura na e bɔla so n yɛr mbe tokobi na.

Eemɔs 1:14

Ŋkpal loŋ so meeŋ shin nɛ edɛ e tɔr egbal nɛ b pɔr ŋ kulti Ammɔn be efuli so be kadegboŋ nɛ baa tre Raaba na so n chɔɔ kumo be kumɔlga be mboŋana. Kumo be kamɔnchɛ benapo beeŋ cha kena to be awɔr nseŋ kɔ kena fanɛ afugboŋ ka bee ber na.

Zakareya 14:3

Kumo be kaman nɛ Enyɛnpe Ebɔrɛ na e lar n ya kɔ efuli pɔtɛana na, fanɛ kananɛ e daŋ wora jemanɛ nɛ k choŋ na.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

1 Samuɛl 18:30

Saŋkama nɛ Filisti be bewura nɛ benapo nɛ Israɛlebi baa kɔ, Deevid e naa kaa kɔ a pɔɔ so a chɔ Sɔɔl be benapo be benimu na be ekama. Ŋkpal loŋ so, nɛ Deevid be ketre daŋ dii ga.