2 Samuɛl 10:19 - EBƆRƐ BE KAWƆL

¹⁹ Bewura mo nɛ b daa shuŋ Hadadeza na ka pin fanɛ naniere bre Israɛlebi na pɔɔ bumo so nɛ b fara a fin kagbenewushi ashi Israɛlebi na kutɔ, hale ŋ ki basa nɛ baa shuŋ bumo. Ndoŋ nna nɛ kufu pɛ Siriyaebi na nɛ b fin kananɛ baa naŋ chɛ Ammɔnebi na to ŋ gben.

2 Samuɛl 10:19 ပူးပေါင်းရင်းမြစ်များ

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

2 Samuɛl 8:6

Deevid daŋ yige mbe benapo na be beko nna ashi Damaskɔs, nɛ Siriyaebi na sɔ Deevid fanɛ bumo be ewura nsaa ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nna nɛ e bee kɔ a pɔɔ so.

1 Bewura 20:1

Siriya be efuli so be ewura Bɛnhadad daŋ tre mbe benapo kikɛ nna m ba abar so nɛ bewura adesa nɛ anyɔ ko gba nɛ bumo be egbaŋɛ nɛ egbaŋɛturko ba ti bumo so nɛ b ya kulti Samɛria be kade n wɔtɔ nɛ b kɔ kumo kena.

1 Kronikɛls 19:19

Bewura mo nɛ b daa bɛ ewura Hadadeza so na ka pin fanɛ Israɛlebi na pɔɔ bumo so nɛ b fara a fin kagbenewushi ewura Deevid kutɔ, hale n shin nɛ e ki bumo be ewura. Kumo be kaman nɛ Siriyaebi na kini fanɛ b maaŋ naŋ chɛ Ammɔnebi na to kikɛ.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Danɛl 2:37

Yiramu, fo e la bewura kikɛ to be ewurgboŋ. Ebɔrɛ nɛ e wɔ esoso na malɛ e ta fo ŋ ki ewurgboŋ nseŋ ta eleŋ nɛ bunyaŋ n sa fo.

Joshuwa 11:10

Kumo be kaman nɛ Joshuwa kilgi n yɔ Hazɔɔ n ya kɔ m pɔɔ bumo be Ewura na so m mɔ mo. Hazɔɔ e daa la efuli na kikɛ so be kade lempo.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.