2 Samuɛl 1:23 - EBƆRƐ BE KAWƆL

²³ Kemaŋkura nɛ kasha nɛ basa daa kɔ n sa Sɔɔl nɛ Jonatan na daa shi ga. Bumo alɛ be ŋkpa nɛ luwu kikɛ malɛ to, b maŋ yige abar. B daa du manaŋ manaŋ a chɔ kajɔnɔkoso, nsaa kɔ eleŋ malɛ a chɔ ebuluŋ.

2 Samuɛl 1:23 ပူးပေါင်းရင်းမြစ်များ

2 Samuɛl 1:24

“Israɛl be beche, men shu Sɔɔl be keeli! E sa menyi yawu kpakpaso be asɔbuuso nseŋ ta abitasɔ nɛ shuwa n ji menyi kebita.

2 Samuɛl 2:18

Zeruwa gba be mbinyɛnbi asa daŋ ti bumo so. Bumo e daa la Jɔab nɛ Abishai nɛ Asahɛl. Ndoŋ nna nɛ Asahɛl nɛ e daa shile ga fanɛ chibir na,

2 Samuɛl 23:20

Jehowada pibinyɛn Bɛnaya nɛ e shi Kabziil na gba daa la enapo lempo ko nna: E daa kɔ kenyɛn ga hale n daŋ mɔ Mowabebi be benapo lempo anyɔ ko. Kachako gba e daŋ lar bɔrɛ nɛ abɔrɛjembubi to nna n ya gbelge kejamaŋ to m mɔ buluŋ.

1 Kronikɛls 12:8

Gad be yiri na to be basa ko gba daŋ ya tu Deevid ashi mbe kumɔlga be kakpa lempo keshishɛrsawule na so nna nseŋ ki mbe benapo. Bumo alɛ gba daa la benapo lempo nna nsaa nyi kananɛ baa ta asɔ kuŋso nɛ ekpa a kɔ kena nsaa gbir kenishi fanɛ ebuluŋ nseŋ naa du wurɛwurɛbi malɛ fanɛ kebee so be chibir.

Job be kawɔl 9:26

Ma ŋkpa bee choŋ manaŋ manaŋ nna fanɛ afu na, k bee yɔ manaŋ manaŋ a chɔ kusore ka gbelge to n fuu kusɔ gba.

Aŋasa 30:30

Buluŋ nɛ e la asɔbɔya to be enyɛn nsaa maa tu shɛŋ a bɛta kaman na,

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

Demujipoana 14:18

Pɔɛŋ nɛ epeŋi tɔr kachɛ shunusopo na nɛ kade na to be benyɛn ba Samsɔn kutɔ m ba kaŋɛ, “Manɛ e wɔ ebel a chɔ mushoŋ? Manɛ malɛ e kɔ eleŋ a chɔ buluŋ?” Ndoŋ nna nɛ Samsɔn kaŋɛ bumo le: “Men daa maŋ ta menyi be amu n ya mata ma eche nna, men daa maaŋ tiŋ m pin keyiremu na be atuwebi.”

1 Samuɛl 18:1

Deevid nɛ Sɔɔl ka malga n loge na, k maŋ chɛr ko nɛ Deevid nɛ Jonatan ki beteri kpakpaso. Jonatan daa sha Deevid be asheŋ ga fanɛ kananɛ e bee sha mo gbagba be kumu.

1 Samuɛl 20:2

Nɛ Jonatan kaŋɛ le: “Ebɔrɛ maaŋ shuli gba nɛ n tuto e mɔ fo. E maa ta kusɔ kama a ŋana ma so. Kede bre nɛ e beeŋ ta ŋ ŋana ma so a? K maŋ la kashenteŋ!”