2 Samuɛl 1:20 - EBƆRƐ BE KAWƆL

²⁰ Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

2 Samuɛl 1:20 ပူးပေါင်းရင်းမြစ်များ

Ezikɛl 16:27

Amoso nɛ ŋ gberge fo kusoe nseŋ shin nɛ ma nɛfa lar fo so nɛ Filisti be basa nɛ b la fo doŋana nɛ fo asheŋ bee nu bumo agbo na ba ku fo kasawule so.

Ezikɛl 16:57

kumo be pɔɛŋ nɛ ekama wu fo da lubi na. Naniere fo ki kemɔmɔshia be kusɔ nna n sa Edɔmebi nɛ Filistiebi nɛ efuliana nɛ a kulti fo na kikɛ nɛ baa keni fo jiga.

Maika 1:10

Men sa maŋ kaŋ malga kusɔ nɛ k bee wora menyi ere be asheŋ n sa Gafebi na kikɛ. Men sa maŋ shin nɛ b wu men ka bee shu. Menyi Bɛf Leafra be basa malɛ e ya dese eshishɛrpumpuŋ to a melti a ŋini kagbenejija nɛ k tɔr menyi so.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

Demujipoana 14:19

Nɛ Enyɛnpe Ebɔrɛ na be Kiyoyu gbelge Samsɔn so nɛ e nya eleŋ nseŋ yɔ kadegboŋ nɛ baa tre Ashkɛlɔn na n ya mɔ benyɛn adesa nseŋ gbaŋ bumo be epiŋi nɛ asɔbuuso m ba sa basa nɛ b pin mbe keyiremu na be kusɔ nɛ k bee ŋini na. Kumo be kaman nɛ e nya agbo nseŋ bɛta n yɔ epe.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 18:6

Deevid ka mɔ Goliɛf, nɛ benapo na bɛta a ba epe na, nɛ beche nɛ b shi Israɛl be nde karso na kikɛ lar a ba nɛ b ba chɔrɔ ewura Sɔɔl. B daa boŋ kagbenefuli be nshɛ nna nsaa laŋ echakachaka nɛ ejaŋjilaŋ a foŋ nlopi a cha.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.

1 Samuɛl 6:17

Asɔ anu nɛ Filistiebi na ta shuwa n lɔŋɛ nɛ a du fanɛ achuubɔbɔ nɛ b ta n ti ŋkre be deka na so n yɔ Bɛf Shimɛsh na be kekama daŋ yili nna a ŋini bunyaŋ nɛ Filistiebi be nde nɛ baa tre Ashdɔd nɛ Gaaza nɛ Ashkɛlɔn nɛ Gaaf nɛ Ekrɔn na kɔ a sa Enyɛnpe Ebɔrɛ.