2 Samuɛl 1:16 - EBƆRƐ BE KAWƆL

¹⁶ Nɛ Deevid kaŋɛ Amalɛk be esa na le: “Fo e kil le be asheŋ n sa fo kumu na. Fo ka shuli so fanɛ fo e mɔ Enyɛnpe Ebɔrɛ be ewura laraso na so, nɛ le be luwu ere bee ba fo so na.” Kumo be kaman nɛ kabrantiɛbia na wu.

2 Samuɛl 1:16 ပူးပေါင်းရင်းမြစ်များ

2 Samuɛl 1:10

Nɛ n yɔ n ya mɔ mo, ŋkpal manɛ so, m baa nyi geeŋ fanɛ kananɛ e doro na so e beeŋ wu. Kumo be kaman nɛ n lara kuwurwuro na mbe kumu so nɛ mbe enɔ to be kepinibi nɛ m ba sa fo, n nyɛnpe!

2 Samuɛl 16:8

Sɔɔl be kuwura nɛ fo sɔ nseŋ mɔ mbe basa damta na so nɛ Enyɛnpe Ebɔrɛ bee gberge fo kusoe nseŋ ta fo kuwura n sa fo pibinyɛn Absalɔm nɛ fo asheŋ maŋ naa wu anishi na. Emɔpo e la fo.”

1 Bewura 2:37

Fo baŋ wora alefasha n lar kade ere to n dii ketaŋɛ nɛ baa tre Kidrɔn ere gba, feeŋ wu nɛ fo luwu malɛ be turju e baa bɛ fo.”

Job be kawɔl 15:6

M maŋ wɔ nfe nna nɛ n ji fo demu; fo gbagba be mmalga e naa ji a bri fo.

Aŋasa 6:2

fo gbagba be kɔnɔ to be mmalga kre fo nna na; nɛ fo kɔnɔ naseso na e kilgi m pɛ fo.

Ezikɛl 18:13

Ade kikɛ be kaman, e bee wɔtɔ mpaŋ kama nɛ e sa esa nchu ga nna. Esa kikɛ nɛ e la esa lubi fanɛ mo maa ba nɛ e ji efute n chɛr. Mo gbagba e wora le be ekishisheŋ ere, amoso mo e daga amo be luwu. Mo luwu na be turju beeŋ baa bɛ mo gbagba nna.

Ezikɛl 33:5

Amodoŋwura gbagba e bar mbe luwu, ŋkpal manɛ so, e kplaŋ kefiɛso be kabel na be kushu so nna. Ashere nɛ e daŋ maŋ kplaŋ kumo so nna, e daŋ beeŋ gelge luwu na.

Levitikɔs 20:16

Nɛ eche ya tu kusɔbɔya n di keche nɛ kenyɛn, a daga fanɛ b mɔ eche na nɛ kusɔbɔya na kikɛ. Eche na malɛ be luwu be turju beeŋ baa bɛ mo.

Levitikɔs 20:27

Esa kama nɛ e yɛ mo ere bee tiŋ a malga bubuni kutɔ a kpal nna, e daga fanɛ b kpa mo ajembu m mɔ nɛ mbe luwu be turju a baa bɛ mo.”

Levitikɔs 20:9

Kede be kaman nɛ Enyɛnpe Ebɔrɛ na yili mbraana ere, “Esa kama nɛ e shoduu mo tuto ŋko mo nio daga fanɛ b mɔ mo. Mo alɛ be luwu na be turju beeŋ laŋɛ mbe kumu so ŋkpal e ka shoduu basa nɛ b kurge mo na so.

Matiu 27:25

Nɛ basa na kikɛ kaŋɛ: “Mm, mbe ŋklaŋ e baa wɔ anyi nɛ anyi be mbia so.”

Luuk 19:22

Nɛ enyɛnpe na kaŋɛ mo le: ‘Kusɔ nɛ fee malga ere gbagba nɛ meeŋ ta n ji fo demu, kenya lubi ere. Fo yɛ fo nyi ŋ ka la kumukpakpasowura a ta kusɔ nɛ m maŋ ta n nase nsaa teŋi asɔ nɛ m maŋ duu ŋko?

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

Ashuŋ Shunso 20:26

Amoso, m baa bugi asheŋ to nna a kaŋɛ menyi kabre nna fanɛ: Nɛ menyi be ekama baŋ foe ekpa, mannɛ ma e bar kumo,

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Ditɛronɔmi 19:10

Men wora loŋ, saŋɛ na so b maaŋ mɔ basa nɛ b maŋ wora n jija ashi kasawule nɛ Enyɛnpe Ebɔrɛ na ta a sa menyi na so nɛ kumo be kulubi a baa bɛ menyi.

Joshuwa 2:19

Ama men be ekama nɛ e kaŋ lar fo laŋ to nɛ b mɔ mo bre, k maaŋ baa la anyi be asheŋ. Ekama nɛ e ŋana fo laŋ to bre kaŋ baŋ, wu kumo ere mbe turju e baa bɛ anyi.

Demujipoana 9:24

Ebɔrɛ malɛ wora loŋ nna nɛ Shɛkɛmebi nɛ b leŋ Abimelɛk to nɛ e mɔ Gidiɔn be bibinyɛn adushunu na e nya bumo be kulubi be kusoegberge.

1 Samuɛl 25:39

Deevid ka nu fanɛ Nabaal wu na, nɛ e kaŋɛ le: “Kemaŋkura e baa la Enyɛnpe Ebɔrɛ na peya ŋkpal Nabaal ka bee tege ma nɛ e sɔ ma kɔnɔ ŋ kɔ mo n sa ma so. Nabaal be kulubi so nɛ Enyɛnpe Ebɔrɛ gberge mo kusoe na.” Kede be kaman nɛ Deevid shuŋi n ya sha Abigɛl.

1 Samuɛl 26:9

Ama le nɛ Deevid daŋ kaŋɛ mo: “Sa maŋ kaŋ mɔ mo! Enyɛnpe Ebɔrɛ na beeŋ gberge esa kama nɛ e beeŋ mɔ mbe ewura laraso kusoe.