2 Samuɛl 1:12 - EBƆRƐ BE KAWƆL

¹² Nseŋ shu keeli ga ŋ kishi n ya fo kaaseso ŋkpal Ewura Sɔɔl nɛ mo pibi Jonatan nɛ Enyɛnpe Ebɔrɛ be basa Israɛlebi na be bedamta ka wu kena na to so.

2 Samuɛl 1:12 ပူးပေါင်းရင်းမြစ်များ

2 Samuɛl 3:35

Kamɔnchɛ na basa wora ania nɛ b sa Deevid kusɔ ko nɛ e ji, ama e daŋ bɔ ntaŋ nna fanɛ nɛ epeŋi baa maŋ tɔr pɔɛŋ nɛ n ji ajibi kumo ere Ebɔrɛ e mɔ mo!

Aŋasa 24:17

Sa maŋ shin nɛ fo doŋ be tɔrɔ e baa fuli fo kagbene. Fo doŋ baŋ fiti n tɔr, sa maa mushe.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Eemɔs 6:6

Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

Matiu 5:44

Ama ma e kaŋɛ menyi na fanɛ men baa sha men doŋana nsaa kule Ebɔrɛ a sa bumo nɛ baa tɔrɔ menyi na,

2 Kɔrintebi 11:29

Wanɛ e la epɔsopo nɛ m maaŋ tu amodoŋwura n luri mbe kapɔshi na to ŋko wanɛ e naaŋ tɔr alubi to nɛ ma kagbene maaŋ jija na?

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.

1 Samuɛl 31:13

Kumo be kaman nɛ b ta bumo be awibi n ya puli kedibi fimbi nɛ baa tre tamariski na be kifito nseŋ kishi nchɛ ashunu kikɛ a ŋini kananɛ bumo be ŋgbene jija bumo.

1 Samuɛl 31:6

Kananɛ Sɔɔl nɛ mbe mbinyɛnsobi asa na nɛ enapo nɛ e bee keta mbe akɔsɔ na daŋ wu nna na. Kachɛ koŋwule nɛ Sɔɔl nɛ mbe benapo kikɛ daŋ wu.