2 Samuɛl 1:11 - EBƆRƐ BE KAWƆL

¹¹ Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Samuɛl 1:11 ပူးပေါင်းရင်းမြစ်များ

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

Jɛnesis 44:13

Ndoŋ nna nɛ b kpɛa bumo be asɔbuusoana to ŋkpal kagbenejijaso nseŋ naŋ bɛta ŋ kre bumo be esulɔana n deŋi bumo be ekurma so m bɛta n yɔ kade na to.

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

2 Samuɛl 13:31

Nɛ ewura Deevid kpa n niŋi to, nseŋ kpɛa mbe epiŋi to kagbenejijaso nseŋ dese kasawule. Mbe nyɛrbi nɛ b daa wɔ mo kutɔ na gba daŋ kpɛa bumo be epiŋi to nna.

2 Samuɛl 3:31

Ndoŋ nna nɛ Deevid ponte ŋ kaŋɛ Jɔab nɛ mbe basa fanɛ b kpɛa bumo be asɔbuuso to, nseŋ ta kagbenejijaso be asɔbuuso m buu n shu Abna be keeli. Ewura Deevid gbagba e daŋ wora Abna be keeli.

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Ɛzra 9:3

Ŋ ka nu loŋ be kubɔya na nɛ kpɛa ma piŋi to nseŋ gberge ma kumu so nɛ katɔl be emin n tia nseŋ chena kagbenejija to.

Ɛsta 4:1

Mɔdikaya ka nu kusɔ nɛ ewura na wora na, nɛ e kpɛa mbe asɔbuuso to kagbenejijaso, nseŋ ta kagbenejijaso be kusɔbuuso m buu n wora nsunɔ n wurge mbe kumu so nsaa shu awɔrso ebesa so a na a kulti kade na to,

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Ashuŋ Shunso 14:14

Baanabas nɛ Sɔɔl ka nu kusɔ nɛ b daa shin nɛ b wora na nɛ b kpɛa bumo be asɔbuuso to a ŋini kananɛ kesheŋ na jija bumo be ŋgbene nseŋ shile n luri jimaŋ na be nferinto a boŋ to a bishi bumo a kaŋɛ:

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.