2 Pita 3:9 - EBƆRƐ BE KAWƆL

⁹ Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

2 Pita 3:9 ပူးပေါင်းရင်းမြစ်များ

Nshɛ 77:8

Mbe kasha nɛ k maŋ kɔ ekar na loge anyi so nna ere a? Mbe nnɔ naseso na malɛ gba ba ekar nna ere a?

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Ɛksodɔs 18:23

Kananɛ Ebɔrɛ bee sha fanɛ asheŋ e baa du nna na. Saŋɛ na so fo maaŋ naa gben ga nɛ basa ere malɛ e baa ta ŋgbenefuli a yɔ epe.”

Ɛksodɔs 32:32

Jande ta bumo be alubi m paŋ bumo, nɛ loŋ maaŋ tiŋ n wora, kumo ere fo lara ma ketre ashi kawɔl nɛ fo sibɛ fo basa be atre n wɔtɔ na to.”

Ɛksodɔs 33:11

Enyɛnpe Ebɔrɛ na nɛ Mosis daa malga abar kutɔ nna fanɛ esa nɛ mo teri na. Kumo be kaman nɛ Mosis e bɛta m ba keeyi to. Mbe kayɛrbi, nɛ baa tre Joshuwa nɛ e la Nun pibinyɛn na bre daa shir a wɔ nshɛr be wajɛbu na to nna.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Danɛl 4:29

Kesheŋ ere be afɔl kuduanyɔ be kaman nɛ ewura Nebukadneeza koso a nite ewurkpa be kuchoŋi so ashi Babilɔn be kade to,

Habakuk 2:3

Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Romebi 13:11

Men baa wora loŋ a nyi jemanɛ mo nɛ an wɔ ere to be asheŋ. Jemanɛ mo nɛ k daga fanɛ men tiŋi ashi menyi be edi to na fo, ŋkpal manɛ so, naniere anyi be kumɔlga be kachɛ na taga to a chɔ saŋɛ nɛ an daŋ fara n yirda Yesu Kristo na.

Romebi 13:12

Kanyɛ na biri n chɛr ga, naniere a ka gbrɛ nɛ kare e chɛ. Amoso, men shin nɛ an yige tentembiri to be ashuŋ shunso n lɛ nseŋ ta akɔsɔ na a wɔ kefulto to a kɔ.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

Romebi 9:22

To, loŋ koŋwule na nɛ Ebɔrɛ wora. Mbe demuso be agbo nɛ mbe eleŋ nɛ e daa sha kelara ŋ ŋini basa. Ama e daŋ ji basa nɛ mbe demuso be agbo daa wɔ bumo so nɛ b daga kasogberge na kanyiti.

1 Timoti 1:16

Ama Ebɔrɛ wu ma, alubiworapoana be ejuŋkparpo na kuwɔr nɛ e ŋini durnyaebi kananɛ Kristo Yesu be kanyiti ka shi nɛ b yirda mo nseŋ nya ŋkpa nɛ k maŋ kɔ ekar na.

1 Timoti 2:4

nsaa par Ebɔrɛ nɛ e mɔlga anyi nsaa sha fanɛ basa kikɛ e nya kumɔlga nseŋ pin kashenteŋ be keŋini na.

Hibruwebi 10:37

Ŋkpal manɛ so, loŋ nɛ abɔrɛsibɛ na bee kaŋɛ na fanɛ: “A ka gbrɛbi nɛ esa nɛ e bee ba na e ba, e maaŋ chɛr.

1 Pita 3:20

Ayoyu na la basa nɛ b daŋ kini kenu n sa Ebɔrɛ saŋɛ mo nɛ e daŋ ji bumo kanyiti jemanɛ mo nɛ Nowa daa gbir kuloŋgboŋ mo nɛ basa aburwa nawule daŋ luri to n nya kumɔlga ashi nchu na to na.

2 Pita 1:4

Ade malɛ kikɛ so nɛ e bɔla n sa anyi mbe nnɔ naseso gboŋana nɛ a maŋ kɔ abraana kikɛ na, saŋɛ na so menyeeŋ bɔla amo so ŋ gelge kafulesheŋ nɛ k wɔ durnya ere to ŋkpal kumo be ayɛlgasɔ so nseŋ ba tu Ebɔrɛ a kɔ mbe kapɔr na.

2 Pita 3:15

Men baa nyi men be ŋgbene to fanɛ Enyɛnpe be kanyiti e la kumɔlga fanɛ kananɛ Ebɔrɛ daŋ sa an niopibi Pɔɔl kanyiasheŋ nɛ e sibɛ menyi na.

Kelaraŋŋini 2:21

N sa mo saŋɛ nɛ e lar mbe alubi to, ama e maa sha kelar mbe kesakalea na to.