2 Pita 3:4 - EBƆRƐ BE KAWƆL

⁴ Baaŋ kaŋɛ le: “Mannɛ mo e nase kumo fanɛ e beeŋ naŋ ba na a? To, nɛ e wɔ nnɛ? An tutoana ka baŋ wu kikɛ, asheŋ baa du kananɛ a du yili durnya be faraŋko na kikɛ nna.”

2 Pita 3:4 ပူးပေါင်းရင်းမြစ်များ

Jɛnesis 19:14

Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

Kaŋinichiŋgeliŋ 1:9

Kusɔ kama nɛ k bee wora naniere daŋ chɛr n wora dra dra kikɛ nna. Shɛŋ shɛŋ maŋ la asheŋ popɔr ashi kasawule ere so.

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Jɛremaya 17:15

Le nɛ Juda be basa bee kaŋɛ ma: “Jɛremaya, fee kaŋɛ anyi fanɛ kusɔ nɛ Enyɛnpe Ebɔrɛ na bee kaŋɛ a gbiti anyi nde. To, nɛ manɛ nna nɛ k maŋ wora m bɔlɔ so kashenteŋto?”

Ezikɛl 11:3

Le nɛ kaa kaŋɛ: ‘K maaŋ chɛr nɛ an naa pɔr nwu. Kadegboŋ ere du fanɛ kapuliya nna a bɛ edɛ so nɛ anyi alɛ du fanɛ eblaŋ a wɔ kumo to, ama kanaŋkama nɛ asheŋ du k bee kuŋ anyi nɛ anyi maŋ wɔ edɛ to gbagba.’

Malakai 2:17

Men shin nɛ menyi be mmalga fi Enyɛnpe Ebɔrɛ, ama le nɛ menyee bishi: “Nuso nɛ anyi be mmalga wora n fi mo? Ŋkpal men ka bee kaŋɛ fanɛ Enyɛnpetale na bee fɛ fanɛ belubiworapo bre e walɛ so, nseŋ naa kaŋɛ fanɛ bumo be asheŋ bee par mo so.” Kumo be kaman nɛ men naa kaŋɛ le: “Nnɛ nɛ Ebɔrɛ nɛ e bee ji asheŋ nɛ amo be ekpa so na wɔ?”

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 24:28

Kaplɛkama nɛ kusɔ wuso dese, ndoŋ nɛ ejita bee chala a mel.

Matiu 24:48

Ama nɛ fanɛ kenya dalubiwura na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba,’

Maak 10:6

Ama sososo na, kasɔto be jemanɛ na, b daŋ kaŋɛ fanɛ: ‘Ebɔrɛ pɔr bumo enyɛn nɛ eche nna.’

Maak 13:19

Ŋkpal manɛ so, nchɛ na be tɔrɔ beeŋ ba kaa chɔ tɔrɔ kama nɛ k ba basa so yili durnya be sososo, Ebɔrɛ be kasɔto be jemanɛ na kikɛ, m ba fo mbre. Tɔrɔ kama malɛ maaŋ naŋ ba m ba fo kumo so kikɛ.

Luuk 12:45

Ama nɛ fanɛ kenya na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba’, nseŋ fara a bri anya nɛ b ka na, benyɛn nɛ beche kikɛ nsaa wɔtɔ a ji a nuu nsaa nuu nsa a boo,

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

1 Tɛsalɔnikaebi 2:19

Ŋkpal manɛ so, basa mo malɛ so nɛ anyi be tama nɛ kagbenefuli nɛ kekɔmpɔɔso be kakɛ nɛ anyeeŋ nya na naa wɔ? Menyi nawule so nɛ anyeeŋ tiŋ n nya kemaŋkura ashi an Nyɛnpe Yesu Kristo be anishito saŋɛ nɛ e beeŋ naŋ ba na. Menyi e la anyi be tama nɛ kagbenefuli.

2 Pita 3:12

a keni Ebɔrɛ be kachɛ na ekpa n shin nɛ k ba manaŋ. Kumo be kachɛ na, esosoana beeŋ chɔɔ edɛ m mur nɛ kuwuloŋ na e ŋalga esoso be asɔana na.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.