2 Pita 3:16 - EBƆRƐ BE KAWƆL

¹⁶ Mbe nwɔl malɛ kikɛ to loŋ nɛ e bee malga a kaŋɛ loŋ be asheŋ. Ama asɔ ko wɔ mbe nwɔlana na to nna a maa tiŋ a pin to nɛ basa nɛ b maŋ nyi ŋkaa maa tiŋ a yil to kpakpa na bee bɔla ekpa nɛ k maŋ niŋi so a ŋini asheŋ gbɛto fanɛ kananɛ baa ta abɔrɛsibɛ nɛ a ka na a wora na. Loŋ malɛ, bumo gbagba be amu so nɛ baa bar kemur na.

2 Pita 3:16 ပူးပေါင်းရင်းမြစ်များ

Jɛnesis 49:4

Fo daa du fanɛ ketiligboŋ nna, ama fo maaŋ naa la esagboŋ ŋkpal fo ka di ma kowurche keche nɛ kenyɛn n wora ma, fo tuto be edesekpa eyurpi na so so.

1 Bewura 10:1

Shɛba be efuli so be ewurche ka nu kananɛ ewura Sɔlɔmɔn be ketre dii ga na, nɛ e yɔ Jerusalɛm nɛ e ya wora mo ŋ keni.

Nshɛ 56:5

Karechɛ kikɛ bedoŋ bee wu ma kulubi nna. Bumo be nfɛra e baa la kananɛ baaŋ wora n doro ma.

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Ɛksodɔs 23:6

Men sa maa mɔn betirpo kashenteŋ ashi demujikpa ŋkpal b ka la betirpo so.

Jɛremaya 23:36

Amoso b sa maŋ naa malga a kaŋɛ le: ‘Baru nɛ k shi Enyɛnpe Ebɔrɛ na kutɔ nde.’ Ŋkpal manɛ so, nɛ bumo to be ekama kaŋ kaŋɛ loŋ, meeŋ shin nɛ ma kubɔya e baa la awurfoŋ kashenteŋto n sa bumo. Basa na chɛrga bumo be Ebɔrɛ nɛ e bee sa ŋkpa nsaa la Enyɛnpetale na be mmalga nna kashenteŋto.”

Habakuk 1:4

Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

Matiu 15:3

Nɛ Yesu bishi basa na: “Nɛ manɛ e ba nɛ men kpal menyi gbagba be edaŋkaresheŋ so a maa bɛ Ebɔrɛ be mbra so?

Matiu 15:6

To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na.

Matiu 22:29

Nɛ Yesu kaŋɛ bumo: “Men maŋ kɔ kashenteŋ, ŋkpal manɛ so, men maŋ nyi abɔrɛsibɛ na ŋko Ebɔrɛ be eleŋ.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Hibruwebi 5:11

Le be demu ere to an kɔ asɔ damta nɛ an malga, ama kekaŋɛ menyi asheŋ na nɛ men pin amo to du kpakpa nna ŋkpal men ka maŋ naa pin asheŋ na to manaŋ manaŋ na so.

Jeems 1:8

ŋkpal manɛ so, nfɛranyɔnyɔwura be asheŋ woraso kikɛ maa lar anishi.

1 Pita 1:1

Kawɔl ere shi ma Pita nɛ n la Yesu Kristo be eshuŋipo na kutɔ nna a yɔ Ebɔrɛ be basa laraso nɛ b pesaŋ to a wɔ durnya ere to fanɛ befɔ a wɔ Pɔntes nɛ Galeesha nɛ Kapadosia nɛ Eeshia nɛ Bitinia be nsawuleana so na kutɔ nna.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

2 Pita 3:2

Mee sha fanɛ men nyiŋi mmalga nɛ anebi cheembiana na daŋ malga dra na nɛ kamalga nɛ an Nyɛnpe nɛ an be Emɔlgapo daŋ bɔla men be beshuŋipoana so m malga n nase na.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.