2 Pita 3:13 - EBƆRƐ BE KAWƆL

¹³ Ama mbe kɔnɔ nɛ e nase na so nɛ anyee keni esoso popɔrana na nɛ kasawule popɔr na ekpa, ndoŋ nɛ Ebɔrɛ be anishito be alelasheŋ wɔ na.

2 Pita 3:13 ပူးပေါင်းရင်းမြစ်များ

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 65:17

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Mee to durnya nɛ ebɔrɛso popɔr nna. Asheŋ dra na kikɛ choŋ nɛ n teŋ amo so kuraa.

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Aizaaya 66:22

Ade be kaman nɛ Enyɛnpe Ebɔrɛ na naaŋ kaŋɛ le: “Kananɛ ebɔrɛso popɔr nɛ kasawule popɔr nɛ meeŋ to na beeŋ bɔla ma eleŋgboŋ so a wɔtɔ mbaanaayɔ na, nɛ menyi alɛ gba be ketre nɛ kaman to ebi beeŋ baa wɔtɔ mbaanaayɔ.

Romebi 8:21

Ama le be tama ere e chɛr a wɔtɔ fanɛ kepɔrso kikɛ gbagba beeŋ nya kumo be kumu a maaŋ naŋ wu m bɛ kachako nɛ Ebɔrɛ e shin nɛ k nya kumo be kemaŋkura nɛ Ebɔrɛ kɔ a sa mbe mbia na.

2 Pita 1:4

Ade malɛ kikɛ so nɛ e bɔla n sa anyi mbe nnɔ naseso gboŋana nɛ a maŋ kɔ abraana kikɛ na, saŋɛ na so menyeeŋ bɔla amo so ŋ gelge kafulesheŋ nɛ k wɔ durnya ere to ŋkpal kumo be ayɛlgasɔ so nseŋ ba tu Ebɔrɛ a kɔ mbe kapɔr na.

Kelaraŋŋini 21:1

Ndoŋ nna nɛ n wu ebɔrɛso popɔr nɛ kasawule popɔr, ŋkpal manɛ so, ebɔrɛso dra na nɛ kasawule dra na daa maŋ naa wɔtɔ nɛ etekuana malɛ gba daa maŋ naa wɔtɔ.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.