2 Pita 2:7 - EBƆRƐ BE KAWƆL

⁷ Ŋko nɛ e daŋ lara Lɔt nɛ e daa la elelapo ashi Ebɔrɛ be anishito na nɛ mbe kagbene daa maŋ dese mo ŋkpal mbrakinipoana na be kebaawɔtɔ jijaso na so,

2 Pita 2:7 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 19:16

Lɔt ka wɔtɔ a jija saŋɛ nɛ emalaika na pɛ mo nɛ mbe eche nɛ bumo be bibiche anyɔ na be enɔana to ŋ gberge bumo n lar kade na to, ŋkpal Enyɛnpe na ka daŋ wu bumo kuwɔr so.

Jɛnesis 19:22

Ama men baa shil manaŋ manaŋ. M maaŋ tiŋ n wora shɛŋ ama men fo ndoŋ nna pɔɛŋ.” [Ŋkpal Lɔt ka daŋ tre kade na kadebi na so so, b daa tre kumo Zowar nna.]

Jɛnesis 19:29

Ebɔrɛ malɛ ka daŋ mur ketaŋɛ to be nde na nɛ e nyiŋi Eebraham nseŋ lara Lɔt ashi kemur be tɔrɔ nɛ e daŋ ta n lɛ nde nɛ Lɔt daa wɔ amo be kuko to na to.

Jɛnesis 19:5

B daŋ tre Lɔt nna m bishi mo le: “Nnɛ nɛ basa nɛ b ba fo pe nfe kanyɛ ere na wɔ? Shin nɛ b lar m ba anyi kutɔ nɛ anyi nɛ bumo e di keche nɛ kenyɛn.”

Nshɛ 120:5

Ma kechena menyi to gba lubi nna, fanɛ ŋ ka chena Mɛshɛk be efuli so, kakpa wɔfɔ ŋko Kɛda be basa be ewajɛbu nɛ a maŋ taga to nfe na to.

Jɛremaya 23:9

M baa fɛ kusɔ nɛ anebiana na be asheŋ, k bee chinchiŋ ma nna nsaa shin nɛ mee chicha fanɛ esa nɛ e nuu nsa m boo m baŋ so; ŋkpal Enyɛnpe Ebɔrɛ nɛ mbe mmalga cheembi na so.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 2:2

Basa damta beeŋ bɛ bumo be anishinyɔr be asheŋ so n shin nɛ basa e malga ŋ gbiti kashenteŋ be ekpa na.

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.