2 Pita 2:3 - EBƆRƐ BE KAWƆL

³ Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

2 Pita 2:3 ပူးပေါင်းရင်းမြစ်များ

Job be kawɔl 6:27

Menyi ere beeŋ tiŋ m barga amunibi to n sa abar ŋko n fa men nekpaana gba n nya amansherbi!

Nshɛ 18:44

Efuli pɔtɛ so ebi bee jɔŋɛ ma ase nna. M baŋ yili kesheŋ n sa bumo, baa bɛ so nna.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Nshɛ 81:15

Bekama nɛ b kishi ma, Enyɛnpe Ebɔrɛ na, beeŋ ta kufu m ba jɔŋɛ ma ase; bumo alɛ be kasogberge beeŋ baa wɔtɔ mbaanaayɔ.

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Aizaaya 60:22

Bumo to be kanaŋ fimbi kama beeŋ ki fanɛ efuli nɛ k kɔ eleŋ ga. Ma e la Enyɛnpe Ebɔrɛ, nɛ jemanɛ na kaŋ fo meeŋ shin nɛ kusɔ nɛ ŋ kaŋɛ na kikɛ e wora manaŋ.”

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Habakuk 3:3

Fo e la Ebɔrɛ cheembi nɛ fo shi kadegboŋ nɛ baa tre Tɛman ashi Edɔm be keshishɛrsawule so nɛ kebee nɛ baa tre Paran na so a ba na. Fo kela nɛ kemaŋkura parga to m buu esoso kikɛ so nna, nɛ fo kapandi malɛ sɔ kasawule so be kaplɛkama.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Matiu 23:14

[Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee puni bekulpocheana nsaa suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ. Ŋkpal le be asheŋ ere kikɛ so, men be kasogberge beeŋ baa shi ga a chɔ ekama peya.]

Luuk 18:8

Ma e kaŋɛ menyi na fanɛ e beeŋ keni bumo be asheŋ na to amo be ekpa so manaŋ n sa bumo. Ama nɛ fanɛ ma, Nyiŋgbasa Pibinyɛn na kaŋ ba durnya to, meeŋ nya basa nɛ b kɔ yirda na a?”

Luuk 20:20

Ama bumo alɛ daa ŋana basa na nna. Nɛ b fara a tɛ mo nseŋ shuŋi basa fanɛ b kute n yɔ mo kutɔ fanɛ b ka la basa lela na n ya lute mo kɔnɔ nɛ e malga n da so nɛ b ta mo m bɔɔ gomena nɛ e daa ji na enɔ.

Luuk 22:47

E kraa malga nna nɛ bebɛsopo kuduanyɔ na to be emo nɛ baa tre Judas na juŋkpar jimaŋ ko m ba ndoŋ m ba firgi n taga to Yesu nɛ e pipe mbe kegbuŋ kechɔrɔso.

Baru lela nɛ Jɔn kute na 2:16

Kumo be kaman nɛ e kilgi ŋ kaŋɛ alifapoana na le: “Men ta amo n lar nfe. Men sa maŋ ta n Tuto pe a ki kebɛ.”

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

Ditɛronɔmi 24:17

Men sa maa mɔn befɔ nɛ amunibi kusɔ nɛ k daga bumo kikɛ. Menyi alɛ e sa maa sɔ ekulpoche be kusɔbuuso a yili tarma pɔɛŋ nsaa sa mo mpaŋ.

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

1 Tɛsalɔnikaebi 2:5

Men baa nyi geeŋ fanɛ an ka daŋ ba menyi kutɔ na, mannɛ kafule be mmalga nɛ an daŋ bar. Menyi alɛ naa nyi fanɛ an maŋ ta mmalga tenteŋ nna m buu anyi be kajɛ so. Ebɔrɛ e la anyi be shɛdajipo.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

1 Timoti 3:3

E sa maa nuu nsa ga ŋko a la esa brembreŋ, ama a daga fanɛ e baa du boeŋ nsaa maa la elushapo ŋko a ta mbe kagbene a wɔtɔ amansherbi to.

1 Timoti 3:8

A daga fanɛ asɔri to be bechɛtopo gba e baa kɔ da lela nsaa maa la besheŋjipo ŋko nsanuupoana ŋko a kɔ kejimuni.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

Taites 1:11

A daga fanɛ fo shin nɛ bumo kikɛ e lo bumo be nnɔ to, ŋkpal manɛ so, baa shin nɛ nwuchu lelemu bee bure nseŋ kpal amansherbi so a wɔtɔ a ŋini anishinyɔr be asheŋ nɛ a maŋ daga.

Taites 1:7

A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

2 Pita 1:16

Men baa nyi fanɛ mannɛ dimɛdi be kanyiashenso be nfɛra fɛso be ablɔmbi so nɛ an daa bɛ saŋɛ nɛ an daŋ kaŋɛ menyi an Nyɛnpe Yesu Kristo be eleŋ nɛ mbe keba be asheŋ na. An daŋ wu kemaŋkura na kenishiso.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.

Juud 1:15

nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.