2 Pita 2:21 - EBƆRƐ BE KAWƆL

²¹ Nɛ b daa maŋ pin Ebɔrɛ be anishito be alelasheŋ be ekpa nna, k daa beeŋ baa bɔ bumo so a chɔ b ka ba pin kumo nseŋ naŋ pal kaman n sa Ebɔrɛ be kamalga naseso cheembi nɛ e daŋ ta n sa bumo na.

2 Pita 2:21 ပူးပေါင်းရင်းမြစ်များ

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 85:8

Mee kaŋ kusoe a nu kusɔ nɛ Enyɛnpe Ebɔrɛ na bee kaŋɛ nna. E nase kayurwushi be kɔnɔ n sa anyi, mbe basa; nɛ anyi maŋ naŋ bɛta n yɔ anyi be kawulisheŋ to nna.

Aŋasa 12:28

Kecheembiya be ekpa e kɔ ŋkpa, luwu maŋ wɔ kumo be ekpa to kikɛ.

Aŋasa 16:31

Kumu fuful la kemankura be kuwurwuro nna, basa nɛ baa wora asheŋ niŋiso nawule e naa buu kumo.

Ezikɛl 18:24

Ama nɛ fanɛ basa lela yige alela be kewora nseŋ fara a wora ekishisheŋ nɛ basa lubi bee wora na, a daga fanɛ b ji efute n chɛr a? Ayai! B maaŋ nyiŋi bumo alelasheŋ dra na. Baaŋ wu ŋkpal bumo be asheŋ lubi na so.

Ezikɛl 23:13

Ndoŋ nna nɛ n wu fanɛ kusɔ jigaya be kebaawɔtɔ nɛ mo da daa kɔ na nɛ mo alɛ gba kɔ.

Ezikɛl 3:20

Kede be kaman, nɛ esa nɛ e bee wora alelasheŋ yige alelasheŋ be kewora nsaa wora alubi, nɛ n shin nɛ e luri kebaawɔtɔ kpakpaso ko to, nɛ fo maŋ fɛa mo so, e beeŋ wu ŋkpal mbe alubi so. M maaŋ nyiŋi mbe alelasheŋ nɛ e wora na be kukoŋwule gba. Ma alɛ beeŋ ta mbe luwu na m bɛ fo.

Ezikɛl 33:13

Nɛ fanɛ n nase kɔnɔ n sa esa lela fanɛ e beeŋ ji efute, ama kumo be kaman nɛ e fara a fɛ fanɛ alelasheŋ nɛ e daŋ wora na so e beeŋ nya kumɔlga nseŋ fara a wora asheŋ lubi, m maaŋ naŋ nyiŋi alelasheŋ nɛ e daŋ wora na. E beeŋ wu ŋkpal mbe alubi na so.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Matiu 21:32

Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”

Luuk 12:47

Kenya kama nɛ e nyi kusɔ nɛ mo nyɛnpe bee sha fanɛ e wora nseŋ maŋ bela ase ŋ koso n wora kumo, baaŋ kuya mo so ga.

Baru lela nɛ Jɔn kute na 15:22

Kumo alɛ nɛ n daa maŋ ba nna m ba malga n sa bumo, b daa maaŋ tɔr alubi be ntaŋ, ama naniere b maaŋ tiŋ n ji n lar.

Baru lela nɛ Jɔn kute na 9:41

Nɛ Yesu kaŋɛ bumo: “Men daŋ tan nna, kulubi daa maaŋ baa wɔ menyi so, ama ŋkpal men ka bee kaŋɛ fanɛ menyee wu ere bre, menyi be alubi beeŋ baa kraa wɔ menyi so.”

Romebi 7:12

Ade e naa ŋini fanɛ mbra na bre gbagba maŋ kɔ kulubi kumo to. Loŋ koŋwule na gba nɛ ntaŋ na gba la kusɔ lela a kɔ ekpa nsaa maŋ kɔ kulubi kumo to.

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

1 Tɛsalɔnikaebi 4:2

Men nyi kasheŋ ŋini nɛ an daŋ bɔla Enyɛnpe Yesu be eleŋ to n sa menyi na.

1 Timoti 6:14

nsaa maŋ shin nɛ kulubi be yiri kikɛ e gbiti amo n chɛrga amo hale nɛ an Nyɛnpe Yesu Kristo e naaŋ ya lar m ba.

Hibruwebi 10:26

Ŋkpal manɛ so, b ka baŋ bugi kashenteŋ na to n sa anyi ere be kaman nɛ an kraŋ kini a wɔtɔ a wora alubi, sarga kama maŋ naa wɔtɔ nɛ k tiŋ ŋ kpra alubi na n lɛ.

Jeems 4:17

Fo kama malɛ nɛ fo nyi kusɔ nɛ k daga nsaa maŋ wora kumo, fo wora kulubi nna na.

2 Pita 3:2

Mee sha fanɛ men nyiŋi mmalga nɛ anebi cheembiana na daŋ malga dra na nɛ kamalga nɛ an Nyɛnpe nɛ an be Emɔlgapo daŋ bɔla men be beshuŋipoana so m malga n nase na.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.