2 Pita 2:2 - EBƆRƐ BE KAWƆL

² Basa damta beeŋ bɛ bumo be anishinyɔr be asheŋ so n shin nɛ basa e malga ŋ gbiti kashenteŋ be ekpa na.

2 Pita 2:2 ပူးပေါင်းရင်းမြစ်များ

Jɛnesis 19:5

B daŋ tre Lɔt nna m bishi mo le: “Nnɛ nɛ basa nɛ b ba fo pe nfe kanyɛ ere na wɔ? Shin nɛ b lar m ba anyi kutɔ nɛ anyi nɛ bumo e di keche nɛ kenyɛn.”

Nshɛ 18:21

Ŋkpal manɛ so, Enyɛnpe Ebɔrɛ na be ekpa so nɛ m bɛ. Ma alɛ maŋ naŋ wora kulubi nseŋ pal kaman n sa mo.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 7:14

Ama ekpa nɛ k bee yɔ ŋkpa to na maŋ kpalga to nɛ kumo be kabuna malɛ maŋ shi. Basa nɛ baa nya kumo a nite to na malɛ maŋ shi.

Maak 12:14

Nɛ b ba mo kutɔ m ba kaŋɛ: “Eŋinipo, an nyi fo ka la kashenteŋjipo. Fo shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du, kashenteŋ nawule nɛ fo kɔ a ŋini basa Ebɔrɛ be ekpa. Kaŋɛ anyi, anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ? An ka ŋko an sa maŋ ka?”

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ashuŋ Shunso 14:2

Nɛ Juwebi nɛ b kini Yesu na we n wɔtɔ nnyamase na nɛ b fara a kishi bekurgepoana na.

Ashuŋ Shunso 16:17

Ndoŋ nna nɛ e bɛ anyi nɛ Pɔɔl so a ponte a kaŋɛ: “Basa ere la Enyɛnpetale Ebɔrɛ be anya nna. Baa kaŋɛ menyi kananɛ menyeeŋ tiŋ n nya kumɔlga nna.”

Ashuŋ Shunso 18:26

Prisila nɛ Akwila ka nu e ka malga nshɛrbu na to kenyɛnso n loge nɛ b keta mo n yɔ epe n ya bugi Ebɔrɛ be asheŋ na to ŋ ŋini mo nɛnɛ.

Ashuŋ Shunso 19:9

Ama bumo be beko daŋ ta amu kpakpaso ŋ kini kenu nseŋ malga mmalga lubi basa na kikɛ to ŋ gbiti ekpa nɛ Enyɛnpe bee ŋini na. Nɛ Pɔɔl yige bumo nseŋ keta beyirdapoana na nɛ b wɔtɔ a shɛr kachɛ kama a ber abɔrɛsheŋ na be bare ashi lambu nɛ Tiranes daa shɛr basa a malga a sa bumo na to.

Ashuŋ Shunso 22:4

N daŋ tɔrɔ basa nɛ b bɛ le be ekpa ere na so hale a sha kemɔ bumo kikɛ. Beche nɛ benyɛn kikɛ nɛ n daŋ pɛ n shin nɛ b ti ebu.

Ashuŋ Shunso 24:14

Kashenteŋto, an nanaana be Ebɔrɛ na nɛ mee bɔla ekpa nɛ b yɛ k la efɛ na so a bunyaŋ. N yirda asɔ nɛ a wɔ Mosis be mbra na to nɛ anebiana na be nwɔl na to kikɛ nyam.

Romebi 2:24

Loŋ koŋwule na malɛ nɛ abɔrɛsibɛ na bee kaŋɛ na fanɛ: “Menyi, Juwebi so nɛ nnyamase bee malga a ji Ebɔrɛ emɔrɔ.”

1 Timoti 5:14

Amoso, ma ere kutɔ, a daga fanɛ bekulpoche nɛ b maŋ la beche kpar ka kil ŋ kurge mbia nseŋ keni bumo be nwu so nsaa maa wora asheŋ kama nɛ a beeŋ shin nɛ edompo kama e nya ekpa n wu bumo kulubi.

Taites 2:5

nɛ kananɛ baaŋ baa tiŋ a keta bumo be amu a maŋ kɔ kulubi nsaa maa kɔ ntɔl epe nsaa la basa a wɔtɔ a nu a sa bumo kulana nɛ esa kikɛ e sa maŋ nya ekpa m malga kulubi kikɛ ŋ gbiti kubɔya nɛ k shi Ebɔrɛ kutɔ na.

Taites 2:8

Shin nɛ kusɔ kama nɛ fee malga e baa kɔ kashenteŋ nɛ anishinyɔr e ji edoŋ kama nɛ e sa maŋ nya kulubi kikɛ m malga ŋ gbiti anyi.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

2 Pita 2:12

Ama loŋ be basa ere bee malga a gbiti asheŋ nɛ b maa pin to nna. B du fanɛ asɔbɔya nna a maŋ kɔ nfɛra a wora asheŋ. B kurge bumo nna nɛ b baa pɛ nsaa jija bumo. To, loŋ nɛ beŋinipoana na gba beeŋ mur fanɛ asɔbɔya na.

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 2:21

Nɛ b daa maŋ pin Ebɔrɛ be anishito be alelasheŋ be ekpa nna, k daa beeŋ baa bɔ bumo so a chɔ b ka ba pin kumo nseŋ naŋ pal kaman n sa Ebɔrɛ be kamalga naseso cheembi nɛ e daŋ ta n sa bumo na.

2 Pita 2:7

Ŋko nɛ e daŋ lara Lɔt nɛ e daa la elelapo ashi Ebɔrɛ be anishito na nɛ mbe kagbene daa maŋ dese mo ŋkpal mbrakinipoana na be kebaawɔtɔ jijaso na so,

Juud 1:10

Ama le be basa ere bre bee tege kusɔ kama nɛ b maa pin to nna. B baa du fanɛ kupuŋ to be asɔbɔya nɛ a maŋ kɔ nfɛra lela nna nseŋ baa wɔtɔ a wora asɔ kama nɛ a bee ba amo be amu to na nna, loŋ malɛ be asɔ na gbagba e naa mur bumo na.

Juud 1:15

nɛ e ba ji basa kikɛ demu. E beeŋ ji m bri bɔrɛkinipoana kikɛ ŋkpal alubi mo nɛ b wora ŋ gbiti Ebɔrɛ ashi le be kabɔrɛkini be ekpa so kikɛ so nɛ mmalga lubiana nɛ bɔrɛkinipo lubipo ere malga ŋ gbiti mo Ebɔrɛ na kikɛ so so.”

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.