2 Pita 2:12 - EBƆRƐ BE KAWƆL

¹² Ama loŋ be basa ere bee malga a gbiti asheŋ nɛ b maa pin to nna. B du fanɛ asɔbɔya nna a maŋ kɔ nfɛra a wora asheŋ. B kurge bumo nna nɛ b baa pɛ nsaa jija bumo. To, loŋ nɛ beŋinipoana na gba beeŋ mur fanɛ asɔbɔya na.

2 Pita 2:12 ပူးပေါင်းရင်းမြစ်များ

Nshɛ 49:10

Anyee wu benyiashempo nɛ bewulpo kikɛ ka bee wu; nɛ basa pɔtɛ e ta bumo be asɔ.

Nshɛ 92:6

Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Jɛremaya 10:21

Ndoŋ nna nɛ ŋ kaŋɛ bumo le: “Anyi be bejuŋkparpoana na maŋ kɔ nfɛra nna; b maa kule Ebɔrɛ a fin ekpa a bɔla so a wora asheŋ. Amoso nɛ b maaŋ tiŋ nɛ b chɛ anyi to nɛ anyi be basa maaŋ chɛr nseŋ pesaŋ to fanɛ mbolpɔ na.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 5:4

Kumo be kaman nɛ le be nfɛra ba ma to: “Basa ere la betirpo nna nsaa maŋ nyi shɛŋ. Baa wora asheŋ kawuli so nna. B maŋ nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora.

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Maak 7:22

Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.

Baru lela nɛ Jɔn kute na 8:21

Kede be kaman nɛ Yesu naŋ lɔŋɛ ŋ kaŋɛ bumo: “Meeŋ yɔ nɛ menyi e fin ma ŋ gben nseŋ wu menyi be alubi to. Kakpa nɛ ma ere bee yɔ na, menyi maaŋ tiŋ n yɔ ndoŋ.”

Galeeshaebi 6:8

Nɛ e bee duu kapɔr lubi ere be aparsheŋ be asɔ, kapɔr lubi na to nɛ e beeŋ bɔla n nya luwu. Nɛ ekama malɛ nɛ e bee duu Kiyoyu na be aparsheŋ be asɔ, Kiyoyu na to nɛ e beeŋ bɔla n nya ŋkpa nɛ k maŋ kɔ ekar na.

Kɔlɔsiebi 2:22

Kusɔ jiso kikɛ nɛ esa ji kumo, kumo be asheŋ baŋ loge nna na. Loŋ nɛ nyiŋgbasa be mbraana nɛ amo be keŋini gba du.

2 Pita 1:4

Ade malɛ kikɛ so nɛ e bɔla n sa anyi mbe nnɔ naseso gboŋana nɛ a maŋ kɔ abraana kikɛ na, saŋɛ na so menyeeŋ bɔla amo so ŋ gelge kafulesheŋ nɛ k wɔ durnya ere to ŋkpal kumo be ayɛlgasɔ so nseŋ ba tu Ebɔrɛ a kɔ mbe kapɔr na.

2 Pita 2:19

Baa kaŋɛ basa pɔtɛ fanɛ baaŋ nya kamooji nɛ bumo gbagba wɔ kafule be kenyaya to. Kusɔ kama malɛ nɛ k bee pɔɔ esa so, kumo e la amodoŋwura mo nyɛnpe.

Juud 1:10

Ama le be basa ere bre bee tege kusɔ kama nɛ b maa pin to nna. B baa du fanɛ kupuŋ to be asɔbɔya nɛ a maŋ kɔ nfɛra lela nna nseŋ baa wɔtɔ a wora asɔ kama nɛ a bee ba amo be amu to na nna, loŋ malɛ be asɔ na gbagba e naa mur bumo na.