2 Pita 2:1 - EBƆRƐ BE KAWƆL

¹ Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

2 Pita 2:1 ပူးပေါင်းရင်းမြစ်များ

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Jɛremaya 29:21

Menyee fɛ fanɛ Kolaya pibinyɛn Ahab nɛ Maaseia pibinyɛn Zɛdikaya la anebiana nna ŋkpal b ka bee kaŋɛ fanɛ ma abɔya nɛ baa bɔ na so. Ama baa ku efɛ nna! Ma ere maŋ sa bumo kubɔya kikɛ. Baa di bumo teriana be beche gba nna. Amoso meeŋ ta bumo m bɔɔ ewura Nebukadneeza enɔ nɛ e mɔ bumo nɛ men baa yil a keni. Saŋɛ na so echefoso nɛ menyi be ekama bee shin nɛ e shoduu esa, e beeŋ kaŋɛ le: ‘Ebɔrɛ e shin nɛ fo wu fanɛ kananɛ Babilɔn be ewura daŋ chɔɔ Zɛdikaya nɛ Ahab m mɔ na.’ ”

Jɛremaya 37:19

Manɛ nɛ men wora menyi be anebi fɛpoana nɛ b fule ŋ kaŋɛ menyi fanɛ Babilɔn be ewura maaŋ kɔ menyi ŋko efuli na kena? Men ti bumo ebu a?

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Nfabel 2:14

Menyi be anebiana maŋ naa kɔ shɛŋ nɛ b kaŋɛ menyi nɛ mannɛ efɛ be kebaakuu a sa menyi. Abɔrɛsheŋ nɛ b malga n sa menyi na maŋ tiŋ n shin nɛ men wu menyi be alubi. B shin nna nɛ menyee fɛ fanɛ a maŋ daga men tuba n lar alubi to.

Hoziya 9:8

Ebɔrɛ shuŋi ma nna fanɛ anebi nɛ m ba kpele mbe basa Israɛlebi kusoe, ama kaplɛkama nɛ m bɔla, menyee sho ma ajigbelɛ nna fanɛ kabuibi na. Anebiana ki basa bumo doŋana nna ashi Ebɔrɛ be lambu to.

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 3:5

Kusɔ nɛ Enyɛnpe Ebɔrɛ na bee kaŋɛ nde: ‘Anebiana ko wɔtɔ nna a fule a nase kayurwushi be kɔnɔ a sa basa nɛ baa sa bumo kusɔ jiso nsaa ta kena a funti bekama nɛ b maa wora loŋ na. Enyɛnpe Ebɔrɛ na bee kaŋɛ loŋ be anebiana na nna fanɛ

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 10:33

Ama ekama nɛ e bee kaŋɛ basa to fanɛ mannɛ ma e wɔ mo, ma alɛ gba beeŋ kaŋɛ fanɛ m maŋ nyi mo ashi n Tuto nɛ e wɔ ebɔrɛso na be anishito.

Matiu 24:11

Nɛ anebi fɛpoana damta e lar n fule basa damta.

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 24:5

Ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la Ebɔrɛ be esa laraso Kristo na,’ nseŋ fule basa damta.

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Luuk 12:9

Ama ekama nɛ e bee kaŋɛ basa to fanɛ mannɛ ma e wɔ mo, ma alɛ gba beeŋ kaŋɛ fanɛ m maŋ nyi mo ashi Ebɔrɛ be emalaika be anishito.

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.

Luuk 6:26

Menyi nɛ basa bee chɔrɔ na, asheŋ maaŋ ba nyalɛ n sa menyi, ŋkpal manɛ so, loŋ be kechɔrɔ gbagba chap nɛ bumo nanaana chɔrɔ anebi fɛpoana na.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

1 Kɔrintebi 11:19

Kumo alɛ la kashenteŋ nna fanɛ menyeeŋ baa kɔr abar to, saŋɛ na so, loŋ beeŋ shin nɛ basa e pin bumo nɛ b yil to nɛnɛ.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

1 Kɔrintebi 7:23

Men baa nyi fanɛ kukɔ damta nɛ Ebɔrɛ ka n tɔ menyi. Amoso, men sa maŋ ki edimɛdi be anya.

Galeeshaebi 2:4

Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Galeeshaebi 4:17

Basa nɛ anyee malga bumo be asheŋ ere bee wora fanɛ men be asheŋ ka wɔ bumo to ga nna, ama nfɛra nɛ a wɔ bumo be loŋ be asheŋ woraso na be kaman na maŋ walɛ. Kusɔ nɛ baa sha e la fanɛ kananɛ baaŋ wora m barga ma nɛ menyi abar to nɛ bumo ere be asheŋ e baa wɔ menyi to.

Galeeshaebi 5:20

nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Ditɛronɔmi 32:6

Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

1 Timoti 5:8

Ama eche kama nɛ e maa keni mo kurgepoana so, fɔnfɔŋ basa nɛ b mata mo na, yige kebaakɔ anyi be yirda na to nna na. Esa nɛ e maŋ yirda Yesu Kristo na malɛ gba bɔ loŋ be esa.

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

Taites 1:11

A daga fanɛ fo shin nɛ bumo kikɛ e lo bumo be nnɔ to, ŋkpal manɛ so, baa shin nɛ nwuchu lelemu bee bure nseŋ kpal amansherbi so a wɔtɔ a ŋini anishinyɔr be asheŋ nɛ a maŋ daga.

Taites 3:10

Esa kama nɛ e bee ta basa be amu a ŋmɛa abar a shin nɛ baa barga abar, fiɛ amodoŋwura so ale anyɔ, nɛ e kraŋ kini a wora loŋ, fo shin nɛ fo nɛ mo e sa maŋ naa kɔ shɛŋ.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

1 Jɔn 2:26

Mee sibɛ asɔ ere nna a sa menyi nɛ ŋ kaŋɛ menyi basa nɛ baa sha kefule menyi na be asheŋ.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

Juud 1:18

B daŋ kaŋɛ menyi fanɛ: “Lalaloge be nchɛ na kaŋ fo, basa beeŋ lar n wora menyi eyurto, basa nɛ baaŋ ba kaa bɛ bumo gbagba be kabɔrɛkiniso be ayɛlgasɔ lubiana so.”

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 3:8

N nyi men be aworbi. Men nu nfe, m bugi kabuna mo nɛ esa kikɛ maaŋ tiŋ n ti na n yili menyi. N nyi men ka maŋ kɔ eleŋ ga, ama men ta ma mmalga n wɔtɔ men be ŋgbene to ŋkaa maŋ lar ma ketre na kaman.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”