2 Pita 1:8 - EBƆRƐ BE KAWƆL

⁸ To, nɛ men baa kɔ asɔ ere nsaa kɔ amo to ga menyi to, a beeŋ shin nɛ men baa du wurɛwurɛbi a kɔ tɔnɔ ashi kananɛ men nyi Enyɛnpe Yesu Kristo na to.

2 Pita 1:8 ပူးပေါင်းရင်းမြစ်များ

Aŋasa 19:15

Nɛ fo kɔ ntɔl nsaa dese a di, akoŋ e naa mɔ fo.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Matiu 20:3

Ta a ba fanɛ kerfi akpanu chipurso nɛ e naŋ lar n ya wu basa ko malɛ nɛ b yil kebɛ to kenyanyaŋɛso.

Matiu 20:6

Ta a ba fanɛ kaaseso kerfi anu be saŋɛ nɛ e lar ŋ kraa naŋ ya wu basa ko nɛ b yil. Nɛ e bishi bumo le: ‘Kare ka chɛ kikɛ manɛ nɛ men baa yil nfe a wora?’

Matiu 25:26

Ndoŋ, nna nɛ mo nyɛnpe na kaŋɛ mo le: ‘Kenya lubi tɔlpo ere, fo kaŋɛ fo nyi ŋ ka bee teŋi asɔ kakpa nɛ m maŋ duu nsaa tise asɔ kakpa nɛ m maŋ chela amo ŋko?

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 5:42

Ama n nyi menyi, men maŋ kɔ kasha a sha Ebɔrɛ menyi be ŋgbeneana to.

Romebi 12:11

Men baa shuŋ ga nsaa maa wora ntɔl. Men baa bugi menyi be ŋgbene kikɛ to a shuŋ Enyɛnpe kashenteŋto.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 13:5

Men keni men be ŋgbene to ŋ keni ŋko men maŋ wɔ yirda na to a? Men wora men be amu ŋ keni. Men maŋ nyi Yesu Kristo ka wɔ menyi to a? Nɛ mannɛ aloŋ, men tɔr nna na.

2 Kɔrintebi 8:2

B luri etɔrɔ damta kpakpasoana to n lar nɛ ketir pɛ bumo, ama bumo alɛ be ŋgbene daŋ fuli bumo ga. Kumo alɛ nɛ ketir gboŋgboŋi na shin nɛ b bugi enɔ ŋ kɛ nɛnɛ.

2 Kɔrintebi 8:7

Men juŋkpar ekama nna ashi kusɔ kama to, ashi yirda to nɛ mmalga to nɛ kanyiasheŋ to nɛ kagbene koŋwule be kebaawɔtɔ to nɛ kasha mo nɛ men kɔ a sha anyi na so. Amoso, anyee sha fanɛ men baa kɔ kakɛ be kagbene ashi le be kasha be kushuŋ ere to.

2 Kɔrintebi 9:14

Amoso, b baa kule Ebɔrɛ a sa menyi, bumo be nfɛra wɔ menyi so nna ŋkpal Ebɔrɛ be kuwɔr be kakɛgboŋ damta nɛ Ebɔrɛ ta n sa menyi na so.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

Filipaiebi 2:5

A daga fanɛ men be nfɛra e baa du fanɛ Kristo Yesu be nfɛra na.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

1 Tɛsalɔnikaebi 3:12

Enyɛnpe na e shin nɛ men be abar be kasha nɛ basa kikɛ be kasha e baa wora keshi menyi to a ti so n ya fo kananɛ anyee sha menyi na.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

1 Timoti 5:13

Kumo be kaman b wɔtɔ nna a jija bumo be saŋɛ a na basa pe, kumo alɛ be buushi nɛ b fara a ji asheŋ nsaa luri basa be asheŋ to a wɔtɔ a malga mmalga nɛ a maŋ nya bumo.

Taites 3:14

Shin nɛ an peebiana na e ŋini bumo be amu alelasheŋ be kebaawora, saŋɛ na so, baaŋ baa tiŋ a nya karechɛ kama be asɔ nɛ a daga nsaa maŋ baa wɔtɔ jiga loŋ a maa bar asɔrso kama.

Failimɔn 1:6

Ma alɛ naa kule Ebɔrɛ fanɛ kananɛ menyee malga men be yirda be asheŋ a sa basa na beeŋ shin nɛ men nya kanyiasheŋ n ti so nseŋ pin asɔ lela damta nɛ an bɔla Kristo so a kɔ na kikɛ nyam.

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

2 Pita 1:2

Ebɔrɛ e bɔla men be kebaanyi mo nɛ Yesu an Nyɛnpe na so n shin nɛ mbe kuwɔr be kakɛ nɛ kagbenewushi e baa la menyeya m bɔlɔ menyi to kiŋkiŋ.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.