2 Pita 1:3 - EBƆRƐ BE KAWƆL

³ Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Pita 1:3 ပူးပေါင်းရင်းမြစ်များ

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 12:4

Eche nɛ e kɔ da lela bee bar mo kul kamusaŋɛ nɛ kagbenefuli nna, ama eche nɛ e bee wɔtɔ mo kul anishinyɔr to bre du fanɛ kɔrtɔ lubi nna.

Aŋasa 31:10

Eche nɛ e kɔ da lela a tiŋ a wora asheŋ nɛnɛ maa tiŋ a nya. E bɔ shuwa nɛ gbiti.

Aŋasa 31:29

“Beche damta bee wora asɔ ama fo peya chɔ bumo kikɛ.”

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

Romebi 9:24

Anyi nɛ e tre na, ama mannɛ ashi Juwebi nawule to, e tre basa ko ashi nnyamase gba to.

1 Kɔrintebi 1:9

Ebɔrɛ mo nɛ e tre menyi fanɛ menyi nɛ mo Pibinyɛn Yesu Kristo an Nyɛnpe e baa kɔ kebaawɔtɔ koŋwule na la esa nɛ esa beeŋ tiŋ n yirda nna.

2 Kɔrintebi 12:9

Ama e maŋ lara kumo nseŋ kaŋɛ ma le: “Ma kuwɔr be kakɛ kukwe fo, ŋkpal manɛ so, fo kapɔshi to nɛ ma eleŋ bee dii efuli nɛnɛ.” Amoso, meeŋ baa kɔ ma kapɔshi ere a ji njɔŋ kagbenefuliso a ti so, saŋɛ na so, Kristo be eleŋ beeŋ baa wɔ ma so.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 4:4

Eyur koŋwule nɛ Kiyoyu koŋwule e wɔtɔ fanɛ kananɛ tama koŋwule nɛ Ebɔrɛ tre menyi m ba wɔtɔ kumo to na gba wɔtɔ na.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

1 Tɛsalɔnikaebi 2:12

An daa leŋ menyi to a lɔlɔ menyi nseŋ daa kaŋɛ menyi kananɛ menyeeŋ baa wora nɛ menyi be kebaawɔtɔ e baa par Ebɔrɛ nɛ e bee tre menyi a ba mbe kuwura nɛ kemaŋkura na to na.

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

2 Tɛsalɔnikaebi 2:14

Baru lela nɛ an malga n sa menyi na to nɛ Ebɔrɛ bɔla n tre menyi. E tre menyi nna nɛ menyi alɛ e ba nya an Nyɛnpe Yesu Kristo be kemaŋkura na.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

2 Pita 1:2

Ebɔrɛ e bɔla men be kebaanyi mo nɛ Yesu an Nyɛnpe na so n shin nɛ mbe kuwɔr be kakɛ nɛ kagbenewushi e baa la menyeya m bɔlɔ menyi to kiŋkiŋ.

2 Pita 1:5

Amoso, ŋkpal le ere so, men wora ania ga n ta kelela n ti men be yirda so. Kelela na malɛ be kaman nɛ men ta kanyiasheŋ m bɛ so.

2 Pita 1:6

Kanyiasheŋ na be kaman nɛ men ta kamootiŋ n ti so. Kamootiŋ na malɛ be kaman men ta kebaayilto kpakpa be kebaawɔtɔ n ti so nseŋ ta kabɔrɛŋana malɛ n ti kebaayilto kpakpa be kebaawɔtɔ so.

2 Pita 1:8

To, nɛ men baa kɔ asɔ ere nsaa kɔ amo to ga menyi to, a beeŋ shin nɛ men baa du wurɛwurɛbi a kɔ tɔnɔ ashi kananɛ men nyi Enyɛnpe Yesu Kristo na to.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

Ruf be kawɔl 3:11

Amoso, m pibi, sa maa lɔ kufu, ŋkpal manɛ so, kade ere to ebi kikɛ nyi fo ka la eche nɛ fo kɔ da lela, amoso meeŋ wora asɔ nɛ fo kule ere kikɛ n sa fo.