2 Pita 1:21 - EBƆRƐ BE KAWƆL

²¹ Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

2 Pita 1:21 ပူးပေါင်းရင်းမြစ်များ

2 Samuɛl 23:2

Enyɛnpe Ebɔrɛ be kiyoyu na e naa kaŋɛ ma kusɔ nɛ meeŋ malga.

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

1 Bewura 17:18

Ndoŋ nna nɛ ekulpoche na kaŋɛ anebi Elaija le: “Ebɔrɛ be esa, manɛ nna nɛ fo wora ma le? Fo ba nfe nna nɛ fo ba kaŋɛ Ebɔrɛ alubi nɛ n wora saŋɛ na so ma kebia beeŋ wu a?”

1 Bewura 17:24

Nɛ kache na kaŋɛ le: “Naniere nɛ m pin fanɛ Enyɛnpe Ebɔrɛ be esa e la fo kashenteŋto nɛ e bee bɔla fo so a malga!”

2 Bewura 4:22

Kumo be kaman nɛ e tre mo kul ŋ kaŋɛ mo le: “Shin nɛ fo nyɛrbi na be eko e ta kurma m bar ma. Mee sha nna nɛ n yɔ anebi Elaisha kutɔ m ba naniere.”

2 Bewura 4:7

E ka bɛta n yɔ anebi Elaisha kutɔ nɛ Elaisha kaŋɛ mo le: “Ya fa ŋku na ŋ ka fo akɔ kikɛ. Amansherbi na be akama nɛ a ka nɛ fo nɛ fo mbia e ta amo a chɛ men be amu to.”

2 Bewura 4:9

Kachako nɛ kache na kaŋɛ mo kul le: “N tama fanɛ kanyɛn nɛ e bee ba nfe saŋkama ere la Ebɔrɛ be esa nna.

2 Bewura 6:10

Nɛ Israɛl be ewura malɛ e kpele mbe benapo kusoe fanɛ b baa da loŋ be kaboŋ so.

2 Bewura 6:15

Kare ka chɛ chipurdidi nɛ anebi Elaisha be kayɛrbi tiŋi n lar laŋ to nseŋ wu Siriya be benapo be egbaŋɛ nɛ egbaŋɛturko ka kulti kade na kikɛ. Ndoŋ nna nɛ e ya kaŋɛ Elaisha le: “N nyɛnpe, an wu n loge! Nuso nɛ anyeeŋ wora?”

1 Kronikɛls 23:14

Ama Mosis nɛ e la Ebɔrɛ be esa na be mbinyɛnsobiana bre, daŋ ti Livaiebi na so nna.

2 Kronikɛls 8:14

Kananɛ mo tuto ewura Deevid nɛ e la Ebɔrɛ be esa na daŋ kaŋɛ mo na, nɛ mo alɛ gba bɛ so nseŋ nyiŋi m barga kushuŋ na to n sa bɔrɛmatapoana nɛ Livaiebi nɛ baa chɛ bɔrɛmatapoana to a boŋ nshɛ nseŋ naa chɛ bumo to a shuŋ karechɛ kikɛ na. E daŋ barga bɔrɛlambu na be mbuna be bekenipo na to ntuŋ ntuŋ so nna n yili nɛ baa shuŋ mbunagboŋ na be kekama ekpa karechɛ kikɛ.

Jɛremaya 23:26

Ama kusɔ kama nɛ baa kaŋɛ na shi bumo gbagba be nfɛra nɛ e maŋ niŋi na to nna. Bumo alɛ maaŋ tiŋ a wora loŋ mbaanaayɔ.

Maika 1:1

Kamalga ere nɛ Enyɛnpe Ebɔrɛ daŋ ta n sa Maika nɛ e daŋ shi kade nɛ baa tre Moreshɛf na. E yɛ: “Jemanɛ nɛ Jotam nɛ Ahaz nɛ Hɛzekaya daŋ ji Juda be efuli so be kuwura na, nɛ Enyɛnpetale Ebɔrɛ daŋ lara loŋ be asheŋ ere ŋ ŋini Maika a laŋɛ ndegboŋ nɛ baa tre Samɛria nɛ Jerusalɛm na be kaplɛa so.

Maika 3:7

Bumo be bekama nɛ baa wu echefoso be asheŋ a kaŋɛ na beeŋ ŋaba, ŋkpal manɛ so kusɔ nɛ baaŋ kaŋɛ na maaŋ wora m bɔlɔ so. Baaŋ ji nyɔmɔ, ŋkpal manɛ so Ebɔrɛ maaŋ naaŋ tuge bumo.’ ”

Nɔmbɛs 16:28

Nɛ Mosis kaŋɛ basa na le: “Kede e naaŋ shin nɛ men pin fanɛ Enyɛnpe Ebɔrɛ na e shuŋi ma fanɛ n wora asɔ ere kikɛ, mannɛ fanɛ ŋ gbagba be keparso nɛ mee wora amo.

Maak 12:36

Kiyoyu Cheeŋ na daŋ bugi Deevid be kagbene nna n shin nɛ Deevid gbagba kaŋɛ: ‘Enyɛnpe na kaŋɛ n Nyɛnpe: Chena ma jisoso nfe, hale nɛ n ya ta fo doŋana m bɔɔ fo enɔ.’

Luuk 1:70

Dra na kikɛ nɛ e shin nɛ mbe anebi cheembiana kaŋɛ le:

Ashuŋ Shunso 1:16

“Ŋ kurgepoana, a daga fanɛ abɔrɛsibɛ na ka bɔla ekpa fanɛ kananɛ Kiyoyu Cheeŋ na shin nɛ Deevid wu ŋ kaŋɛ Judas nɛ e juŋkpar basa nɛ b pɛ Yesu na be asheŋ.

Ashuŋ Shunso 28:25

Pɔɔl ka malga kesheŋ koŋwule ere n loge nɛ b fara a ji abar emɔrɔ a yɔ. Le nɛ e daŋ kaŋɛ: “Kashenteŋ nɛ Kiyoyu Cheeŋ na daŋ shin nɛ anebi Aizaaya daŋ wu ŋ kaŋɛ men nanaana fanɛ e ya kaŋɛ basa na le:

Ashuŋ Shunso 3:18

Dra na kikɛ nɛ Ebɔrɛ shin nɛ anebiana kikɛ wu ŋ kaŋɛ fanɛ mbe Kristo na beeŋ ba ji awurfoŋ, kumo nɛ e shin nɛ k bɔla ekpa le ere na.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

Hibruwebi 10:15

Kiyoyu Cheeŋ na gba bee ji kesheŋ koŋwule na be shɛda a kaŋɛ anyi loŋ. Kusɔ nɛ e bee juŋkpar a kaŋɛ anyi e la fanɛ Enyɛnpe na yɛ:

Hibruwebi 3:7

To, loŋ malɛ nɛ Kiyoyu Cheeŋ na bee kaŋɛ na fanɛ: “Men baŋ nu Ebɔrɛ be ebɔl kabre,

Hibruwebi 9:8

Ade kikɛ nɛ Kiyoyu Cheeŋ na kɔ a ŋini geeŋ fanɛ ekpa mo nɛ esa beeŋ bɔla so n yɔ acheembiana to be kakpa cheembi na to na daa maŋ naŋ bugi n sa basa ŋkpal ebu juŋkparso na ka daŋ kraa yil na so.

Joshuwa 14:6

Kachako nɛ basa ko nɛ b shi Juda be yiri to ba Joshuwa kutɔ ashi Gilgaal. Nɛ Jefune nɛ e la Keniz be esa na pibinyɛn Kalɛb kaŋɛ mo le: “Fo nyi kusɔ nɛ Enyɛnpe Ebɔrɛ kaŋɛ Mosis nɛ e la kebɔrɛnya na, a laŋɛ ma nɛ fo be kaplɛa so ashi Kadɛsh Bania.

1 Pita 1:11

Kristo be Kiyoyu mo nɛ e daa wɔ bumo to na daŋ wu Kristo be etɔrɔ nɛ kemaŋkura mo nɛ k beeŋ lar etɔrɔ na be kaman na nna ŋ kaŋɛ bumo nɛ b wora ania a fin saŋɛ nɛ asheŋ na kikɛ beeŋ wora.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.