2 Pita 1:20 - EBƆRƐ BE KAWƆL

²⁰ Ade kikɛ nyam be kaman, men baa nyi fanɛ esa kama maaŋ tiŋ n ta mo gbagba be nfɛra ŋ kute abɔrɛsibɛ be kewuŋkaŋɛ kama.

2 Pita 1:20 ပူးပေါင်းရင်းမြစ်များ

Romebi 12:6

Amoso, an baa kɔ anyi be nnaŋ to be ŋkɛana na to a shuŋ. Amo nɛ an nya ŋkpal Ebɔrɛ be kuwɔr be kakɛ nɛ e sa ekama kananɛ e beeŋ tiŋ na so. Fo kama nɛ fo kakɛ baa la abɔrɛsheŋ be kebaawu a kaŋɛ, fo ta loŋ be kakɛ na ŋ kesar fo yirda so n shuŋ.

Romebi 13:11

Men baa wora loŋ a nyi jemanɛ mo nɛ an wɔ ere to be asheŋ. Jemanɛ mo nɛ k daga fanɛ men tiŋi ashi menyi be edi to na fo, ŋkpal manɛ so, naniere anyi be kumɔlga be kachɛ na taga to a chɔ saŋɛ nɛ an daŋ fara n yirda Yesu Kristo na.

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

1 Timoti 1:9

Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

2 Timoti 3:16

Ebɔrɛ e wɔ abɔrɛsibɛ ere kikɛ be kaman nɛ amo alɛ walɛ keta ŋ ŋini kashenteŋ na nɛ keta n fiɛ bumo nɛ baa wora a jija so nɛ keta n lara esa kewora n foe to nɛ keta ŋ ŋini esa kebaawɔtɔ lela.

Jeems 1:3

Ŋkpal manɛ so, men nyi fanɛ nɛ men baŋ pɔɔ kechɔŋkeni na so a yirda Ebɔrɛ, menyeeŋ nya eleŋ n ti so a tiŋ a pɔɔ kechɔŋkeni be yiri kikɛ so.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.