2 Pita 1:19 - EBƆRƐ BE KAWƆL

¹⁹ Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.

2 Pita 1:19 ပူးပေါင်းရင်းမြစ်များ

Nshɛ 119:105

Fo kamalga du fanɛ fitila nna n sa ma, kumo e naa shin nɛ ma ekpa so bee fulto nɛ mee wu a wora asheŋ.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aizaaya 14:12

Fo Babilɔn be efuli so be ewura nɛ fo du fanɛ kachipurso be kechɛkpabi na, shi ebɔrɛso n tɔr to kasawule so! Jemanɛ nɛ k choŋ na fo daŋ kɔ m pɔɔ efuliana so nna, ama naniere fo alɛ gba nɛ b kɔ m pɔɔ so na.

Aizaaya 41:26

Menyi, agbirana to be emo e daŋ wu kusɔ nɛ k beeŋ wora echefoso ŋ kaŋɛ? Saŋɛ na so, anyeeŋ tiŋ n wu k kaa wora m bɔlɔ so nseŋ kaŋɛ fanɛ k la kashenteŋ? Men to be ekama maŋ naŋ kaŋɛ shɛŋ a laŋɛ echefoso be kaplɛa so. Esa kikɛ malɛ maŋ naŋ nu men ka kaŋɛ kusɔ ko!

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Hibruwebi 2:2

Baru mo nɛ k daŋ bɔla emalaika so m ba na daa la kashenteŋ nna, ŋkpal manɛ so, ekama nɛ e daa maŋ bɛ bumo so ŋko n nu n sa loŋ be kubɔya na, amodoŋwura daa nya kumo be kasogberge nɛ k daga mo nna.

Jeems 2:8

Le nɛ abɔrɛsibɛ na bee kaŋɛ: “Baa sha fo barkasa fanɛ kananɛ fee sha fo kumu.” Le be mbra ere shi Ebɔrɛ be kuwura na to nna m ba, nɛ fo kama nɛ fo bɛ kumo so, fo wora nɛnɛ.

1 Pita 1:10

Le be kumɔlga ere be asheŋ nɛ anebiana na daŋ pere kenishi ŋ keni to nɛnɛ n fin nseŋ daŋ wu loŋ be kuwɔr be kakɛ mo nɛ k beeŋ ki menyeya ere be asheŋ ŋ kaŋɛ na.

1 Jɔn 5:10

Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.

3 Jɔn 1:6

B ba ji fo kasha be asheŋ asɔri ere to nfe. Jande chɛ bumo to nɛ b naŋ nya bumo be enite na to be ekpa a yɔ fanɛ kananɛ asheŋ daga Ebɔrɛ be anishito.

Kelaraŋŋini 2:28

Ma alɛ beeŋ naŋ sa amodoŋwura karechɛso be kechɛkpabi na.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”