2 Pita 1:17 - EBƆRƐ BE KAWƆL

¹⁷ Ebɔrɛ Etuto na daŋ sa mo bunyaŋ nɛ kemaŋkura na saŋɛ nɛ ebɔl na daŋ shi Kemaŋkuraana kikɛ to be kakpa m ba kaŋɛ le na: “Ŋ gbagba Pibinyɛn shaso nɛ ma kagbene fuli mo so nde.”

2 Pita 1:17 ပူးပေါင်းရင်းမြစ်များ

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Matiu 12:18

E yɛ: “Ma kenya nɛ ma kagbene fuli mo so nɛ mee sha mo nseŋ lara nde. Meeŋ ta ma Kiyoyu n wɔtɔ mo to nɛ e kaŋɛ basa kananɛ Ebɔrɛ bee ji edemu be asheŋ.

Matiu 17:3

Kumo be kaman nɛ bebɛsopo asa na wu anebi Mosis nɛ anebi Elaija ka ba kaa malga Yesu kutɔ.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Maak 1:11

Nɛ ebɔl shi esoso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Maak 9:7

Nɛ kuwɔlpa ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nde, men baa nu mbe kɔnɔ.”

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Luuk 3:22

nɛ Kiyoyu Cheeŋ na gbelge m ba mo so fanɛ lepɔ gbagba nɛ ebɔl shi ebɔrɛso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Baru lela nɛ Jɔn kute na 10:15

fanɛ kananɛ Etuto na nyi ma nɛ ma alɛ gba nyi Etuto na. Ma alɛ bee ta ma kumu nna a mɔ a sa bumo.

Baru lela nɛ Jɔn kute na 10:36

manɛ e ba nɛ menyee kaŋɛ ma, esa nɛ Etuto na gbagba lara n yili a sa mbe kumu nseŋ shuŋi durnya ere to na, fanɛ mee malga nna a gbiti Ebɔrɛ ŋkpal ŋ ka kaŋɛ fanɛ ma e la Ebɔrɛ Pibinyɛn na so?

Baru lela nɛ Jɔn kute na 14:11

Ŋ ka kaŋɛ fanɛ n wɔ Etuto na to nɛ Etuto na malɛ gba wɔ ma to ere, men yirda ma, nɛ mannɛ aloŋ gba nna, men keni emamachisheŋ nɛ mee wora so n yirda fanɛ kashenteŋ nɛ mee ji na.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Baru lela nɛ Jɔn kute na 3:35

Amodoŋwura e la Ebinyɛn na nɛ Etuto na malɛ bee sha mo, amoso, e ta kusɔ kama nna m bɔɔ mo enɔ.

Baru lela nɛ Jɔn kute na 5:20

Ŋkpal manɛ so, Etuto na bee sha ma, Ebinyɛn na ga. Amoso, kusɔ kama nɛ e bee wora, e bee ŋini ma kumo nna. Mo alɛ kraa beeŋ ŋini ma asɔ nɛ a chɔ ade ere nɛ men be nnɔ e mɔ menyi.

Baru lela nɛ Jɔn kute na 5:26

Kananɛ ŋkpa shi Etuto na to na, loŋ gbagba na nɛ e shin nɛ ŋkpa bee shi Ebinyɛn na gba to.

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 6:39

Esa nɛ e shuŋi ma na malɛ be aparsheŋ nde fanɛ n sa maŋ kaŋ paŋ basa nɛ e ta m bɔɔ ma enɔ na kikɛ be ekama, ama e yili kumo nna fanɛ n tiŋi bumo ashi luwu to lalaloge be kachɛ na.

Romebi 15:6

Saŋɛ na so menyi kikɛ beeŋ ta ebɔl koŋwule n di Ebɔrɛ an Nyɛnpe Yesu Kristo mo Tuto na epaŋ.

2 Kɔrintebi 1:3

Men shin nɛ an baa chɔrɔ Ebɔrɛ, an Nyɛnpe Yesu Kristo mo Tuto na. Mo e la Etuto nɛ e kɔ kuwɔr nseŋ naa la esa nɛ keleŋto kikɛ bee shi mo kutɔ na.

2 Kɔrintebi 11:31

Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

2 Jɔn 1:3

Ebɔrɛ Etuto na nɛ Yesu Kristo nɛ e la Etuto na Pibinyɛn na sa anyi kuwɔr be kakɛ nɛ kuwɔr nɛ kagbenewushi n shin nɛ an nya kashenteŋ be kasha.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.