2 Pita 1:15 - EBƆRƐ BE KAWƆL

¹⁵ Ama pɔɛŋ nɛ n wu, meeŋ wora ania ga n fin ekpa mo nɛ menyeeŋ baa bɔla so a nyiŋi asɔ nɛ n nase menyi ere saŋkikɛ.

2 Pita 1:15 ပူးပေါင်းရင်းမြစ်များ

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Luuk 12:58

Nɛ fanɛ esa kaŋɛ fanɛ fo wora kusɔ ko n da mo so nsaa yɛr fo kɔɔti to, fo wora ania ga nɛ fo nɛ mo e lɔŋɛ kesheŋ na ekpa to nɛ e sa maŋ gberge fo n yɔ demujipo kutɔ nɛ mo alɛ e ta fo n sa kabutikenipo nɛ mo alɛ e ta fo n ti ebu.

Luuk 9:31

Kemaŋkura e daŋ baa wɔ bumo kikɛ so nɛ mo nɛ bumo daa malga kananɛ e beeŋ wu Jerusalɛm to n shin nɛ k bɔla Ebɔrɛ be ekpa so be asheŋ.

2 Tɛsalɔnikaebi 2:5

Men maŋ nyiŋi fanɛ ŋ ka daa wɔ menyi kutɔ ŋ kaŋɛ menyi asheŋ ere kikɛ a?

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

2 Pita 1:12

N nyi men ka nyi asɔ ere kikɛ, ma alɛ nseŋ naa nyi men ka yil kashenteŋ nɛ men kɔ naniere na to kpakpa, ama saŋkikɛ meeŋ baa nyiŋi menyi asheŋ ere kikɛ.