2 Pita 1:14 - EBƆRƐ BE KAWƆL

¹⁴ N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.

2 Pita 1:14 ပူးပေါင်းရင်းမြစ်များ

Aizaaya 38:12

Ma ŋkpa daŋ ku so nna nseŋ fo ekar, fanɛ mbolpɔkpapo be wajɛbu nɛ e bɔɔ na, ŋko fanɛ wajɛ nɛ b kraa lue nseŋ ku kumo so ashi kɔrɛ to na. N daa fɛ fanɛ Ebɔrɛ shin nɛ ma ŋkpa loge nna.

Baru lela nɛ Jɔn kute na 13:36

Ndoŋ nna nɛ Saimɔn Pita bishi mo: “Enyɛnpe, nnɛ nɛ fee yɔ?” Nɛ Yesu kaŋɛ mo: “Fo maaŋ tiŋ m bɛ ma so naniere n yɔ kakpa nɛ mee yɔ ere, ama kachako feeŋ bɛ ma so n yɔ.”

Ashuŋ Shunso 20:25

N yɔ menyi be ekama ere nyam kutɔ n ya bɔ Ebɔrɛ be kuwura na to be asheŋ n sa menyi, ama naniere n nyi fanɛ menyi be ekama maaŋ naŋ wu ma kikɛ.

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

Ditɛronɔmi 31:14

Ade kikɛ be kaman, nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu, amoso keta Joshuwa m ba wajɛbu cheembi na to; saŋɛ na so, meeŋ ŋini mo asheŋ ko nɛ e ki Israɛl be ejuŋkparpo. Ndoŋ nna nɛ Mosis nɛ Joshuwa kikɛ yɔ wajɛbu cheembi na to

2 Timoti 4:6

Ma ere, jemanɛ nɛ baaŋ ta ma n lara sarga na fo nɛ jemanɛ nɛ meeŋ lar durnya ere to na fo n loge.

Joshuwa 23:14

Naniere bre ma luwu fo. Menyi alɛ be ekama nyi mbe kagbene to fanɛ asɔ lela kama nɛ Enyɛnpe Ebɔrɛ nase kɔnɔ fanɛ e beeŋ sa na, men nya amo. Kusɔ kama nɛ e nase kɔnɔ fanɛ e beeŋ wora na kikɛ bɔlɔ so nyam.

2 Pita 1:13

Ŋkpal manɛ so, mee fɛ fanɛ ŋ ka kraa wɔ eyur ere to ere bre, a daga fanɛ m baa nyiŋi menyi asheŋ na kikɛ a leŋ menyi to.