2 Pita 1:13 - EBƆRƐ BE KAWƆL

¹³ Ŋkpal manɛ so, mee fɛ fanɛ ŋ ka kraa wɔ eyur ere to ere bre, a daga fanɛ m baa nyiŋi menyi asheŋ na kikɛ a leŋ menyi to.

2 Pita 1:13 ပူးပေါင်းရင်းမြစ်များ

Aizaaya 38:12

Ma ŋkpa daŋ ku so nna nseŋ fo ekar, fanɛ mbolpɔkpapo be wajɛbu nɛ e bɔɔ na, ŋko fanɛ wajɛ nɛ b kraa lue nseŋ ku kumo so ashi kɔrɛ to na. N daa fɛ fanɛ Ebɔrɛ shin nɛ ma ŋkpa loge nna.

Heegai 1:14

Enyɛnpetale Ebɔrɛ na daŋ ta kenishipere nna n wɔtɔ Zerubabel nɛ e daa la Juda be efuli so be gomena nɛ Joshuwa nɛ e daa la bɔrɛmatapo nimuso na nɛ basa b daŋ pɛ n yɔ efuli pɔtɛana so nɛ b bɛta m ba na to nna nɛ b fara Enyɛnpetale, bumo be Ebɔrɛ na be bɔrɛlambu na kapɔr.

2 Kɔrintebi 5:8

Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Filipaiebi 3:10

Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

2 Timoti 1:6

Amoso nɛ mee nyiŋi fo fanɛ fo shin nɛ kakɛ nɛ Ebɔrɛ daŋ ta n wɔtɔ fo to saŋɛ nɛ n daŋ ta ma enɔana n deŋi fo so kabɔrɛkule to na e baa wora keshi a nyɛrga a ti so fanɛ edɛ na.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.

2 Pita 1:12

N nyi men ka nyi asɔ ere kikɛ, ma alɛ nseŋ naa nyi men ka yil kashenteŋ nɛ men kɔ naniere na to kpakpa, ama saŋkikɛ meeŋ baa nyiŋi menyi asheŋ ere kikɛ.

2 Pita 1:14

N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.

2 Pita 3:1

N teri shasoana, ma kawɔl nyɔsopo nde nɛ mee sibɛ a sa menyi. N sibɛ amo kikɛ nna nɛ n nyiŋi menyi nseŋ naŋ leŋ menyi to n wɔtɔ nfɛra niŋiso to.