2 Pita 1:10 - EBƆRƐ BE KAWƆL

¹⁰ Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

2 Pita 1:10 ပူးပေါင်းရင်းမြစ်များ

Nshɛ 112:6

Shɛŋ maaŋ tiŋ n chɛrga bumo be kesheŋ wora; basa malɛ maaŋ teŋ bumo be alelasheŋ so kikɛ.

Nshɛ 121:3

E maaŋ shin nɛ fo fɛrge n tɔr; Edi maa la fo ekumpo na.

Nshɛ 15:5

Bumo nɛ baa ta bumo be amansherbi a paŋ basa nsaa maa wɔtɔ nchu na; ŋko a sɔ brɔbu nsaa ji a chɛ alubiworapoana to na. Loŋ be basa bre maaŋ ji anishinyɔr kikɛ.

Nshɛ 37:24

E fiti gba, e maaŋ tɔr; ŋkpal manɛ so, Enyɛnpe Ebɔrɛ gbagba e naŋ pɛ mo to n yili.

Nshɛ 62:2

Mo e la kefaltagboŋ nɛ emɔlgapo. Mo e la ma ekuŋkpa lempo a kuŋ ma.

Nshɛ 62:6

Mo nawule e la ma kefaltagboŋ nɛ ma emɔlgapo. Mo e la maa ekuŋkpagboŋ, amoso ma lɔ kufu.

Aizaaya 56:2

Meeŋ nɛfa bekama nɛ baa keni kewushiachɛ na a bɔlɔ kenishi nsaa bɛ kumo so na. Ma alɛ beeŋ nɛfa bekama nɛ b maa wora asheŋ lubi.”

Maika 7:8

N doŋana, men sa maŋ shin nɛ menyi be ŋgbene e fuli nɛ men baa ji njɔŋ ma so. Hale nɛ n tɔr gba, ŋ kraa beeŋ koso. Nɛ n chena tentembiri to gba, Enyɛnpe Ebɔrɛ na e la ma kefulto.

Matiu 22:14

Amo alɛ kikɛ be kifi to e la fanɛ basa damta nɛ b tre, ama bumo to be gbrɛ nɛ b lara.”

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.

Jeems 2:10

Nɛ esa kaŋɛ fanɛ e bee bɛ Ebɔrɛ be mbraana na kikɛ so nseŋ wora n da amo to be kukoŋwule gba so, amodoŋwura tɔr Ebɔrɛ be ntaŋana kikɛ.

Joshuwa 7:3

B ka wora loŋ na nɛ b bɛta n ya kaŋɛ Joshuwa le: “K maŋ daga fanɛ Israɛl be benapo na kikɛ ka ya kɔ Aiebi na. Shuŋi basa ŋgboŋ anyɔ ŋko ŋgboŋ asa nawule. Sa maŋ shin nɛ benapo na kikɛ e yɔ kena na to, ŋkpal manɛ so kade na maŋ la kadegboŋ, nɛ kumo to be basa malɛ gba maŋ shi.”

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Pita 1:5

Amoso, ŋkpal le ere so, men wora ania ga n ta kelela n ti men be yirda so. Kelela na malɛ be kaman nɛ men ta kanyiasheŋ m bɛ so.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.