2 Kronikɛls 9:9 - EBƆRƐ BE KAWƆL

⁹ Ewurche na daŋ ta shuwa kilo ŋgboŋ ana nɛ abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Asɔ nɛ a kɔ efɛa belbelso kikɛ daa maŋ walɛ n fo amo nɛ Shɛba be ewurche na ta m ba sa ewura Sɔlɔmɔn na so”.

2 Kronikɛls 9:9 ပူးပေါင်းရင်းမြစ်များ

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 9:14

Ewura Hiram daŋ shin nna nɛ b ta shuwa nɛ amo be egbɛ sa fanɛ kilo ŋgboŋ ana nna n ya sa ewura Sɔlɔmɔn.

2 Kronikɛls 9:1

Shɛba be ewurche ka nu kananɛ Ewura Sɔlɔmɔn be ketre daŋ dii ga nna nɛ e keta mbe benimu damta nseŋ kre asɔ nɛ a kɔ efɛa belbelso nɛ shuwa damta ko n deŋi enyɔma so n yɔ Jerusalɛm nɛ e ya bishi ewura Sɔlɔmɔn mmalga kpakpaso. Mo nɛ ewura Sɔlɔmɔn ka tu abar nɛ e bishi mo asheŋ nɛ e wɔ mbe nfɛra to kikɛ.

2 Kronikɛls 9:10

Ewura Sɔlɔmɔn daŋ sa Shɛba be ewurche na kusɔ kama nɛ e daa sha nna. Asɔ nɛ ewura Sɔlɔmɔn daŋ sa mo na daa chɔ kakɛ nɛ ewurche na daŋ bar mo na. Ade be kaman nɛ Shɛba be ewurche na nɛ mbe basa bɛta n yɔ bumo be efuli so.

2 Kronikɛls 9:24

Bewura nɛ baa ba mo kutɔ na be ekama daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ akɔsɔ nɛ asɔ nɛ a kɔ efɛa belbelso nɛ egbaŋɛ nɛ ekurma. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

2 Kronikɛls 9:8

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal e ka bee sha mbe basa Israɛlebi nsaa sha kebaakuŋ bumo saŋkama nɛ so e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 72:15

Shin nɛ ewura na be ŋkpa e teŋi so! N shin nɛ e nya Areebia be kasawule so be shuwa. Shin nɛ basa e baa kule Ebɔrɛ a sa mo jemanɛ kikɛ nsaa nɛfa mo karechɛ kama.

Ɛksodɔs 30:34

Nɛ Enyɛnpe Ebɔrɛ naŋ kaŋɛ Mosis le: “Men ta duwu be asɔ nɛ amo be efɛa wɔ ebel nɛ amo kikɛ be keshi e baa sasa. Amo a la, stakte nɛ onika nɛ galbanum nɛ fraŋkinsensi nɛ a maŋ kɔ eyurpi amo to na.