2 Kronikɛls 9:6 - EBƆRƐ BE KAWƆL

⁶ N daa maŋ yirda kumo be loŋ, ama ŋ gbagba ka ba wu kumo be kashenteŋ ere pɔɛŋ nɛ n yirda. M maŋ nu fo kanyiasheŋ ere be asheŋ be bargato gba. Fo kanyiasheŋ chɔ kananɛ n nu kumo be asheŋ basa kutɔ na ga.

2 Kronikɛls 9:6 ပူးပေါင်းရင်းမြစ်များ

1 Bewura 10:7

N daa maŋ yirda kumo be loŋ ama ŋ gbagba ka ba wu kumo be kashenteŋ ere pɔɛŋ nɛ n yirda. N daŋ maŋ nu fo kanyiasheŋ nɛ fo kedamaya ere be asheŋ be bargato gba. Naniere kusɔ nɛ n nu ere chɔ kananɛ n nu kumo be asheŋ basa kutɔ na ga.

1 Bewura 4:31

E daa nyi asheŋ a chɔ esa kikɛ ashi durnya to. E daa nyi asheŋ a chɔ Eetan nɛ e shi Ɛzra be kanaŋ to na nɛ Heman nɛ Kalkol nɛ Daada nɛ b la Mahɔl be mbinyɛnsobi na. Mbe ketre daŋ dii ga n yɔ efuli nɛ a kulti Juda nɛ Israɛl na.

1 Bewura 4:34

Durnya be bewura kikɛ nu mbe kanyiasheŋ be asheŋ nseŋ shuŋi basa nɛ b ya nu mbe kanyiasheŋ be mmalga.

2 Kronikɛls 9:5

Ndoŋ nna nɛ e kaŋɛ ewura Sɔlɔmɔn le: “Kusɔ nɛ n nu ma efuli so a laŋɛ fo kaplɛa so nɛ kanyiasheŋ nɛ fo kɔ kikɛ la kashenteŋ nna!

2 Kronikɛls 9:7

Basa nɛ baa shuŋ fo nsaa wɔ fo kutɔ saŋkikɛ a nu fo kanyiasheŋ be mmalga na nu ebel pasaa!

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

1 Kɔrintebi 2:9

Ama abɔrɛsibɛ na malɛ bee kaŋɛ fanɛ: “Esa kikɛ maŋ naŋ wu ŋko n nu ŋko n fɛ m pin kusɔ nɛ Ebɔrɛ bela ase n yili basa nɛ baa sha mo na.”

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.