2 Kronikɛls 9:29 - EBƆRƐ BE KAWƆL

²⁹ B daŋ sibɛ kusɔ kama nɛ ewura Sɔlɔmɔn naŋ wora saŋɛ nɛ e daa la ewura na nna n wɔtɔ anebi Neetan nɛ anebi Abija nɛ e shi Shilo na nɛ anebi Iduu nɛ e sibɛ Nebat pibinyɛn Jeroboam be asheŋ na be nwɔl to.

2 Kronikɛls 9:29 ပူးပေါင်းရင်းမြစ်များ

2 Samuɛl 12:1

Ebɔrɛ e daŋ shuŋi anebi Neetan Deevid kutɔ nɛ e ya kaŋɛ mo le: “Basa anyɔ ko e daa wɔ kade koŋwule ko to. Eko daa la damawura nna nɛ eko malɛ la etirpo.

2 Samuɛl 12:25

Ŋkpal Enyɛnpe Ebɔrɛ ka bee sha Sɔlɔmɔn ga so, e daŋ shin nna nɛ anebi Neetan ya nase mo ketre Jedidaya. Kumo be kifito e la fanɛ Ebɔrɛ bee sha mo.

1 Bewura 1:8

Ama bɔrɛmatapo Zadɔk nɛ Jehowada pibinyɛn Bɛnaya nɛ anebi Neetan nɛ Shimei nɛ Rei nɛ enapo nɛ e bee kuŋ ewura Deevid na bre daa maŋ bɛ kusɔ nɛ Adonija kaŋɛ na so.

1 Bewura 11:26

Nebat pibinyɛn Jeroboam nɛ e shi Efrayim be kade ko nɛ baa tre Zereda nseŋ daa la ewura Sɔlɔmɔn be benimuana na be eko na gba daŋ kilgi nna ŋ ki ewura Sɔlɔmɔn mo doŋ. Mo nio Zeruwa daa la ekulpoche nna.

1 Bewura 11:29

Kachako, Jeroboam ka lar Jerusalɛm a yɔ kade ko, nɛ Enyɛnpe Ebɔrɛ be anebi nɛ baa tre Ahija nɛ e shi Shilo be kade to na tu mo nawule kepuŋ to kade na be ekpa to.

1 Bewura 14:2

Ndoŋ nna nɛ ewura Jeroboam kaŋɛ mbe eche le: “Chɛrga fo asɔbuuso saŋɛ na so esa kama maaŋ pin fo, nɛ fo yɔ Shilo, kakpa nɛ anebi Ahija nɛ e kaŋɛ ma fanɛ meeŋ ki Israɛl be ewura na wɔ na.

1 Kronikɛls 29:29

Kusɔ kama nɛ Deevid wora saŋɛ so nɛ e daa la ewura na be asheŋ kikɛ daa wɔ anebi Samuɛl nɛ Neetan nɛ Gad be nwɔl to.

2 Kronikɛls 10:2

Jeroboam nɛ e la Nebat pibinyɛn nseŋ daŋ shile n ya ŋana Ewura Sɔlɔmɔn so ashi Ijipt na ka nu loŋ nɛ e bɛta m ba epe.

2 Kronikɛls 12:15

B sibɛ ewura Rehoboam be kusɔ nɛ e wora saŋɛ so nɛ e daa la ewura na nɛ mbe kanaŋ to be asheŋ kikɛ nna n wɔtɔ anebi Shemaya nɛ anebi Iddo be adrasheŋ be nwɔl to. Saŋɛ so nɛ Rehoboam daa la Juda be ewura na, mo nɛ Israɛl be ewura Jeroboam daa kɔ abar kena nna saŋkikɛ.

2 Kronikɛls 13:22

B daŋ sibɛ Abija be mmalga nɛ mbe aworbi kikɛ nna n wɔtɔ anebi Iddo be adrasheŋ be nwɔl to.